[الركام]

أطلال دارٍ عْشقها سلني سلْ

مازن العوني
مليت اجامل وأرسم إلضحكتي ظل
وملّت عيوني تلتفت صوب ظليّ
وتشوف كيف الحزن في داخله حلْ
غطى مساحاتي وغطى محليّ
يافرحة ايامي عسى عندك الحل
قدام خفاّاااق الشقاوي يوليّ
العمر يمضي والشقاء زاد ماقل
ابا آتسّلى بْس وين التسليّ
الصبر من صبري على مابدا مَلْ
وانا بعد مليت من كل كليّ
اضحك واجامل واحداً علني علْ
ماهو بداري في الزمن وش حصلي
مافارق الغالي والا فالشقاء طل
ولامَر بإطلالٍ نباها يسليّ
اطلال دارٍ عْشقها سلني سلْ
ازورها طرقي وتنبش سجليّ
واقوم آسجل ذكرياتي،، ويا مِلْ
قلب من الآطلال والحزن مَليّ
ياعل حيٍِ قد سكنها وياعل
ميتٍ سكنها جعل قبره يعَليّ
إيعْل فوقه وابل الخير ويهل
وتصبح جوانب ذيك الاركان ملَيّ
ويخضر ويزهابه ربيعٍ تمايلْ
طلت رياحينه بوردٍ وفُليّ
هذا الكلام وجعل ماقل يدّل
دربٍ له الاقدام عيّت تزليّ
وانا بحاول وأرسم إلدمعتي ظل
لعلها تسكن مداهيل ظليّ
والحل والله مابقى عندي الحل
إلا دموعٍ كل لحظه تهلي