[ابوالجازي]

نكمل معكم الموضوع

وهذي الصوره من داخل الغرفه وتوضح المطل على الحرم المكي الشرف
والمنظر الروحاني



وهذا الابن سليمان وهو محرم بخلفية الحرم
تقبل الله يا حق



وهذي بعض المقتنيات داخل الغرفه
اول ماتدخل الغرفه على اليمين فيه دواليب
وهذا احد الدواليب وداخله عربية لكبار السن والمعوقين والمرضى



وهذا دولاب اخر وفيه خزينه لحفظ الاشياء الثمينه وله رقم سري يتغير مع كل مره تستخدمه
وفي الجهة الاخرى يوجد مكواة وطاولة كوي واستشوار



وهذي صوره توضح سخان لعمل القهوة والشاهي
وثلاجة وبداخلها بعض المشروبات وبعض الشوكالاتات والحلويات والشبز



لكن انتبه تاخذ شي وهذي قائمة بالاسعار



ماء الصحة ب 8 ريال واسواق بن داوود بالدور الارضي الماء بريال واحد
لابعد ياخذون 15% رسوم خدمه على الموجودات
ولاحظوا بقية الاسعار



وهذي خدمة الانتر نت لكل غرفه DSL




وهذي صوره للحرم قبيل الغروب لكن الونوش اللتي تعمل اكثر الوقت تفسد المنظر
والتصوير



وهذي صوره لزجاج النافذه المطله على الحرم ويتضح تراكم الغبار
وبعد مناقشة احد المسئولين بالفندق يعتذر بأن الغباركثير لوجود اعمال الونشات والبناء وتسبب الغبار ويلزم تنظيف الزجاج كل اسبوع ويكلفنا التنظيف 64000 ريال
يا اخي فيه فندق في ماليزيا يغير الاثاث والفرش كل اسبوع وانا متأكد ان دخله اقل منكم
وهذا الزجاج

وهذا الاسمنت على الزجاج (تشطيب عماره بالعود)



وفي اليوم التالي كانت مكه كلها جوها مغبر الله المستعان



وهذ الصوره تبين اعمال البناء والاشغال المستمره والاوناش اللي حاسة علي جو التصوير



ومن عيوب الفندق ان الاصنصيرات (الفت) غير مكيفه يعني ياكلك الحر لمسافة اكثر من 32 دور والعذر ان المقاول بن لادن لم يأمن مولدات كافيه لجميع اجزاء الفندق
وايضا لايوجد اصنصير مباشر من الغرف للدور الارضي يعني اذا تبي تلحق الصلاة لازم تتولم من قبل الاذان لان المشوار طويل من لفت في لفت وتعبر عن طريق صالة المعارض من اقصى البرج حتى تخرج من المبنى
ومن العيوب ايضا لايوجد به مواقف للسيارات يعني توقف سيارتك في محبس الجن
او كدي وتجي بتكسي
ومن المزايا ايضا انه يوجد في كل غرفه سماعه مباشره على ماكرفونات الحرم وتستطيع التحكم بقوت صوتها او تخفيضه او قفله وتوجد فتوى من اهل العلم انه يجوز ان تصلي في الغرفه مع امام الحرم بشرط ان يكون معك رجل اخر
وهذي صوره لاحد الممرات في الدور 13

طبعا فيه ملاحظات على الفندق
منها ان اكثر العاملين لايجيدون اللغة العربيه واللغة الرسميه بينهم هي الانجليزيه
ومنها ان وقت الانتظار على التليفون الداخلي يشغلون مقاطع موسيقيه
لكن يبقى الفندق رمز من رموز مكة المكرمه ومعلم حضاري

واخر الموضوع اهدي لكم صورتين للطواف بغالق بطيء
الاولى من داخل الغرفه



والثانيه من داخل الحرم ويظهر برج الساعه خلف الحرم



وان شاء الله اذا سهل الله اجيكم بتقارير مماثله لفندق الصفوه ودار التوحيد

انتهى الموضوع
ان اصبت فمن الله وحده
وان اخطأت فمن نفسي والشيطان
وتقبلوا وافر احترام وتقدير اخوكم

(ابوالجازي)

(((بــدر الغــذّامي)))