[رحلة غروب]

حياكم الله مرة اخرى

طبعا بما أني مو متواجده في بيتي وديرتنا الخرج
فأكيد بيكون عندي فراغ كبير نوعاً ما
لأن أم العيال ما لها راحة سواء في بيتها أو عند أهلها أو اي مكان
وهذا طبيعي خصوصا اللي حرصها بزياده
واكيد بيكون بيتها أريح لها بس مو معناه تترك الناس وتقاطعهم
لكن المهم ..... أعطيكم مقتطفات يومي وانا خارج بيتي ...
طبعا النوم كالعاده وازيد شوي يعني النومه تكون على 6 أو 7 صباحا
بما انه متفرغه واصحى لصلاة الظهر اصلي
اجلس فترة استغفار ودعاء تطول شوي مع قراءة القرآن
وأنام على 2 قيلولة الى العصر
واصحى للصلاة وبعدها ألتفت للعيال وأحضر لهم حاجاتهم
حتى اللبس أحدد بالضبط اللي احتاجه اليوم واعرف اذا فيه ضيوف
وهكذا عشان اكون مستعده وأرتاح
بعد ما أخلص صراحة افتح اللابتوب واجلس
على المنتدى والماسنجر ان تواجد أحد أو أجمع بعض الأفكار
اللي احتاجها طبعا هالوقت يستغرق مني تقريبا ساعه الى اكثر
وبعدها يقرب وقت الأفطار ويبدأون اهل البيت بالتجمع
والأستعداد للفطور والله أكبر ونفطر ....
بعد الفطور والصلاة طبعا كل بعض وعادته
اللي راح وانسدح واللي جالس متلهف للحرم
واللي متلهف لطاش ما طاش واللي واللي واللي ....... ياكثر العادات
وانا كنت متلهفه متى يخلص طاش عشان أطلع مشواري هههههههههه
طبعا تعرفون العشر الأولى قربت تخلص اليوم أخرها
الله يرحمنا برحمته ويتوب علينا
فتكثر طلعت الأسواق مع اني ما رحت لسوق <<< ........
لكن المهم انه طلعنا بدري قبل العشاء ونصيحه لكل من بالرياض وخاصه جنوبها
من الأحياء
ما يطلع بعد التراويح يروح لوجهته قبل العشاء ويصلون بأحد المساجد
لأن طريق الملك فهد والدائري بعد الساعه 9 تقريبا ما يندخل من شدة الزحمة
الله يرحمنا برحمته <<<< بعدنا عن الموضوع نعتذر لكن للفائدة
طبعا رجوعي كان حوالي الساعه 11 ولقيت البيت ما شاء الله
فيه ضيوف ولله الحمد وكسبنا شوفتهم وتهنئتهم بالشهر المبارك
وتوالى قدوم الضيوف الى الساعه 2 وبعدها اخذنا راحه ساعه
وعلى الساعه 3 جاء وقت السحور وتجمعنا وأحلوت الجمعه
بلمة العائله الله يخليهم ويحفظهم وياكم يارب
وانتهى يومنا على خير بعد صلاة الفجر ....
والحمد لله والشكر لله ....
وتمنيت بهاليوم يكون فيه نصيب أكبر لقراءة القرآن
لكن الحمد لله وهذا يومي خارج بيتي وبعيده عنه
والحمد لله على كل حال ......
نراكم في فرص قريبة بإذن الله