بارك الله فيك اختي الكريمه معلومات قيمه وصحيحه وكانت احدى اقاربي معاصره للزمن القديم قبل 50 سنه تقول لايخاف من المرأه زي مايخاف من الرجل بدون اي مساس بالنساء ولكن لأن اغلب النساء ماكان معهم سلاح ناري لكن اذا قعدت تصيح وتنادي يهرب .
واذكر لك قصه محزنه لأحدى اجدادي رحمه الله مع الذئب , كان عنده غنم وكل يوم اذا رجعت من المفلا يحصل وحده منها ناقصه وفي يوم من الأيام قرر يسرح معها للمفلا عشان يعرف السر في فقدان بعضها المهم يوم سرح معها وكان يراقبها عن بعد ويوم قربت من ذاك الجبل واذا بذاك الذئب يتسلل مع احد الشعاب حتى امسك بواحده منها وجدي لم يحرك ساكن يبي يعرف وش نهايتها معه ورجع مره ثانيه للجبل بالشاه اللي مسكها وراقبه الين دخل بها في هاك الغار وبعدها بلحظات طلع الذيب ويصوب جدي الله يرحمه ( أزعجتنا انت وجدك ) البندقيه عليه بممممم حلوه بمممم يعني ثارت الذخيره الحيه 
اصابته ومات في الحال وتفجأ وبوجود ذئب ثاني طالع من الغار فزع ويدور حول نفسه ويعوي ويشم الارض ويصوب البندقيه عليه بمممم حتى ارداه قتيل ويجي يشوف وش عندهم في هالغار كل يوم واحد مسوي كريم ذبيحه يوم ناظر في الذيب الأخير واذا هي ولبه كبيره جدا الولبه هي انثى الذئب وعيونها بيض عميانه وناظر الذئب اللي قتله اول الى هو ذيب يعني ذكر عرف ان الذيب هذي امه الكبيره وهو ابنها كل يوم يجيب لها احدى الغنم لأنها عميانه وماتتعدى الغار (سبحان الله العظيم) وشلون عرف انه ابنها لأنه جرو أصغر منها بواجد فتندم جدي رحمة الله عليه آسف على القصه الطويله لكن فيها عبره سبحان الله كيف الابن بار بأمه حتى وهو حيوان , شكرا لك
