يا بقايا القلب لك شكر ٍ جزيل
يالأصيلة يا فخر كل الوصال
شفت في عيني تميز بالدليل
قلت أبكتب لي بيوت ٍبالجمال
الرقي في مجمله ماله مثيل
تسلم أفكارك به أسلوب الخيال
يابقا القلب لك ماضي ٍ أصيل
يا كريمة أصل يا بنت الرجال
المعاني من خجلها لك تميل
تحت عرشك تنتظر في كل حال
أنتي برق ٍلأيح ٍ وسط المخيل
الرعد يرزم بها والسيل سال
الصراحة موجزة قول ٍقليل
حرفك الراقي تمشى في دلال
التصنع في سموك مستحيل
دام حبرك يكتب بيوت ٍجزال
منتدانا مركبك أنتي الدليل
نبحر بحرك يسامرنا الجمال
نهرك الجاري يروي كل جيل
حصلوا منَه علوم ٍ كل الجبال
الشعر لو طال في ضلك يقيل
ينتظر كل المعاني بكتمال
بعدها يكتب ليا منه يخيل
ليله المظلم ونور الكون زال
اسمحي لي هاجسي والله بخيل
ما قدر يكتب لكم جزل المقال
دام قلبك حامي ٍ جنب الدخيل
شعري أولا ترحمينه بالمحال
يا بقايا القلب لك شكر ٍ جزيل
يالأصيلة يا فخر كل الوصال