[ابوحمد الملهماوي]

تسلم ياسويد والصور صراحه شي ثاني
لاكن افيدك ان اسم شعيبك ماهو العمياء واستغرب من مشرف رحلات ولايدري
وش اسم الشعيب ولامكانه وينه بعدين وش جاب على قولته تمير
هذا ياولدي افيدك اكثر
هذا يسمى شعيب الطافحه ويبعد عن الطلعه 12ك تقريبا قبل الطليعه الى تذبك على دوار
الحفنه 11ك تمام
ويعتبر من شعبان العرمه تمام ومنزتاله من الخط واضح بكيلو معروف وماريته رظيمات على
ايسر مدخاله من يسار شم تجيك فجه مافيه طلح ثم يبدا الطلح لااايسر حليو وفي عدد 9طلحات
وسدر ماتشوفه على الخط مغطيته قويره
ثم يبدا الشعيب عن ايمنك مراح بدو قديم وهذا الشعيب مقطع رجلينا ايام طيور الدخل
تدخل اوله من مضيق او ريع وعر ومجرحه السيل
وتحدر الين يجيك صفه طلح باليسر اسمه طلح البابطين فيه مشرع للحجل مسمت 5طلحات فقط
هههه
ثم تحدر يتغير النبات برمث هالب فيه الغنم وعقبه تنده فرت قديم
ثم هذا هي الملاقي مع الطوقي الي تشوفه مع الطلعه متلا قي معه
في الملاقي تجيك الطلحه الكبيره الله من الدخل مكتوب عليها دوره 54
ابكملا بعدين
ولو تبي اعلمك عن كل صوره مستعد
تحياتي الخالصه لك ورحله موفقه تمام