يقولون كف الطيب بالطيب صافحه
تجارة هل الوقفات فالسوق رابحه
ولا تقرب اللي يبحث السر فالخفى
وجيها"ن" من النمات سودا وكالحه
يّدور على الزله ويفزع يبثها
ولا يسمع العاقل ويفهم نصايحه
سفيها"ن" ولابه خير والناس تعرفه
يشبّع من الحوم الاوادم جوارحه
يجيلك بوجها"ن" تستحي من بشاشته
ويمشي معك حتى يحقق مصالحه
هذاك ابتعد عن سكته لا تمرها
صداقت هل النمات ماهي بناجحه
وخلك مع اللي يحفظ الدين والوفى
واذا جاربك وقتك من الهم صارحه
ولا تامن الدنيا وتطمع بخيرها
ترى كل نفساً تامن الموت رايحه
اقوله وانا عندي من دروسها عبر
عسى كفتي يوم الموازين راجحه
الشاعر عبدالرحمن بن زهير
وسلامتكم