[خشيباوي]

السلام عليكم ورحمة الله وبركاته
حبيت اشارككم في هذه الابيات للشاعر مبارك بن منير العوني الحربي وأتمنى ان تحوز على رضاكم.....

البارحـة بالليـل جانـي نبـأ هـام = عبر الأثيـر وقلـت صمتـي كفايـة
ضرغام صامت يجتبس نار ضرغـام = والصمت عن بعض المواضيع غايـة
غاية من الحكمة على مذهب احشام = وإن كان صمتي عيب هـذا خطايـه
يارجل لو نشفق على بـث الإعـلام = لقيت لي فـي كـل صفحـة دعايـة
لكن سيرتنـا علـى نهـج الإسـلام =وحب الدعاية مانـزل فـي سمايـه
عن الدعاية صايـمٍ ضمـن صـوّام = أتـرك كثيـر وعنـد ربـي رجايـه
وعن التغطرس بعد صنعاء عن الشام = ولا أشفق على بحث الخفايا عنايـه
وإلا ليـا ثـارت براكيـن الألـغـام = صديق عينـك مايجـي فـي نحايـه
يوم المواقـف بيـن بايـع وسـوّام = حذفت من ضمن الجماعـة حصايـه
حق القبيلـة عندنـا ماقـف إلـزام = ماأغضب ولد عمي وأفـرح عدايـه
مانـي بليـدٍ ماحسـا لـوم لـوّام = يجعل عدوه عـن صديقـه حمايـة
يشوف نفسـه كبـر أبانـات وإردام = ينظـر لخلـق الله بعيـن الزرايـه
والواجبة مـا اهتـم فيهـا ولا قـام = يجيه عـن درب الصـواب إنعمايـة
فكـره يخيّلـه مثـل راع الأفــلام = فعـول غيـره والنتيجـة حكـايـة
صحيح راع الكبـر مغـرور ويـلام = بعيـد عـن درب السنـع والهدايـة
مايدري إن العمر عـامٍ بعـد عـام = يفنـى ولالـه دون يومـه وقايـه
الدايـم الخـلاّق والخلـق مــادام = لله مـلـك الآخــرة والـبـدايـة
يافاهـمٍ فهمـه وراء كـل الأفهـام = فهمك ضعيـف ولا بهرجـي كمايـة
نفـسٍ تغـذّى بالتكبـر والأوهــام = ملـزوم يصغـر حجمهـا بالنهايـة