[حـــــارب]

تضيق فينا الواسعة بعض الامرار

. . . . . . . . . . ونزود الضيقة من الكبت ضيقة

تحدنا الدنيا ونصبر ونحتـار

. . . . . . . . . . ماودنا يدرون بعض الخليـقة

نضحك ونسترها وهي تشتعل نار

. . . . . . . . . . تبدي ملامحنا خلاف الحقيـقة

اقول في نفسي ترا الوقت دوار

. . . . . . . . . . تزين لو شانت ونلقى طريقة

دام انها تدرج الى وقفت عار

. . . . . . . . . . نمشي وتمشي والجلادة عريقة

ياما تكبدنا المشقة والاضرار

. . . . . . . . . . لين الامل ينشف من الصبر ريقه

بس انها كبرت علي دون ماختار

. . . . . . . . . . وخان الصبر منهو يعده شقيقــه

ماجابني لك كود تضييق الاقدار

. . . . . . . . . . وماعاد به درب ٍ يبشر مضيـقه

والحمل لو مازاد واستفحل وجار

. . . . . . . . . . والله لاشيله باذن ربي واطيقــه

انا اكره اللي يستغلون الاخيار

. . . . . . . . . . وابغض صديق ٍ مستغل ٍ صديقه

مابيك تستنكر ولو صار ماصار

. . . . . . . . . . ماللرفيق الا مواقف رفيــــــقه

ممااااااااراق لي

فيــصل بن سبيــّل البـاهلي