أهدي تحياتي وحبي والأشواق
للصاحب اللي ماتبي النفس غيره
ونشوة نسيم الفجر من قبل الاشراق
والورد والنرجس وخالص عبيره
يااللي معاك روحي تلذذ بالاوثاق
نغمه صليل القيد تسوى عشيره
وحريتي بعدك تلافيق ونفاق
من يترك الظل يحترق بالهجيره
أمشي على دربك ولو قيل لي شاق
عندي كما قطف الورود النضيره
بستان حبك يحتوي كل الاذواق
ومن الوفا يحوي غروسا كثيره
دامك معي با قول بحر الهوى راق
وابحر على اهداب العيون المثيره