تنهيدتي خفّي على باقي الروح
طيّرتي بـ آآهك عصافير صدري
عبث وأيادي الحزن تبني بي جروح
والوجد يبعث بين الأضـلاع قبري
والصمت يجرح مثل ما يجرح البوح
والـ آه تشعل نارها بـ جوف صدري
يسألني الإحساس من وين ماروح
متى شروق الشمس؟ وأردّ: مدري!
صدري وطن عوّد فصوله على النوح
قوته صبر يستسقي بغيم طهري
والآه غربة عمرها من عمر نوُح
تعزف على ناي التناهيد عمري
يزفر بها صدري مثل سر مفضوح
لا شالها صدري ولا الناس تدري
تنهيدتي صوت الطفل منك مبحوح
لا تجرحينه ينتـثر دم عـذري
دام الفرح في مفرق الصدر مذبوح
والجاني يلثم فرحتي خلف ظهري
تنهيدتي هذا الحزن مابه مزوح
لا تخفضين الصوت ويطيح قدري
تأآوهي دام السماء حضن مفتوح
وجنون شوقي خيل والدمع حبري !!
مما لآمس آحساسي ؛؛