جتني ذبابه تشتكي دوخة الراس = ودموعها بالخد مثــل السحابه
قالت يابو فيصل خذو نفسي النــاس = ارجوك شوف الجرح ينزف صوابـــــه
نظرت .. شفت الجسم بالدم محتاس = غادي من الضربات مثل الخرابه
وجناحها كنه مقطع بالامـواس = واحد فغصها يوم خشـت ثيابــه
جبت الطبيب وشافها قال مابأس = تحتاج للتنويم تحت الرقابــه
اما نفع والا تسـفر لتكســاس = يمكن علاج الغرب يشــفي ذبابه
نومتها شهرين مرت بالأفلاس = وعلاج روتيني دفعنا حســابه
رحت (الخطوط) وقلت لي وضع حساس = عندي مريض اطلب سريعا اركابه
قالو بعد بكره تجينا على ساس = يجي المدير المعتمد بالنيابه
جيت ولقيت انسان ماعنده احساس = لاخلق ..لامنطق..مضيع ادابه
قال اكتب اللي تطلبه فوق قرطاس = واسمك رباعي حيث الاسماء تشابه
وعشرين صوره كل صوره لها اقياس = وعشرين صوره مكبره للذبابه !!
حاولت اجيب الواسطة من بعض ناس = ارسلت له مخلوق ثم اعتزابــه
واكد لنا الرحله بعد شق الانفاس = وجرح الذبابه زايدآ بالتهابــه
جينا امريكا والفكر فيه وسواس = والعقل من ماجاه فاقد صوابـه
وسألت عن دكتور يجلى للاعماس = وقالوا بلهجتهم ترى ذاك بابـه
وساعة وصلناالباب قابلت حراس = الكل منهم مابصدره رحابه
وبكل شده دخلونا بعد يأس = على طبيب مجمعآ له عصابه
وشفت الخطر يضرب نواقيس واجراس = قلت الوطن ارجع واقبل ترتبه
وجيت الرياض مربية كل قرناس = دار السعود اهل الكرم والمهابه
والطب فيها زاد عن كل مقياس = مالي ومال الغرب وش في جنابه؟
منقول