عرض مشاركة واحدة
  #1  
قديم 2011-01-07, 10:23 AM
الركام الركام غير متواجد حالياً
شاعـر متمكن
 
تاريخ التسجيل: Jan 2009
الدولة: الرياض
المشاركات: 12,267
جنس العضو: ذكر
الركام is on a distinguished road
افتراضي الموت حق وكـل نفـسٍ تذوقـه

الموت حق وكـل نفـسٍ تذوقـه == مير البلا من ذاق موت ولا مـات

من واحدن قلب المعنـى يسوقـه == وبـدل ليالينـا الهنيـه بـونـات

الله مـن قلـبٍ وسـاعٍ فتوقه == هيهات يامن يدرك الصبر هيهات

والعين عيـت نومهـا لا تذوقـه == ونفسي طموحه للامور البعيـدات

والنفس من سبة هواها محروقه == ولاشفت وياه الهنا بضع ساعـات

غديت مثل اللي محـارب مذوقـه == او مثل من يندب على فايتٍ فـات

ياصاحبي كلـك حـلاوه ولوقـه == ياعشـقـتي من بـد كـل العفـيـفـات

حبك جرح قلبي ويبـس عروقـه == ومن عقبكم لاكل ولا شرب ولابات

باغيك مير الوقت تصعب طروقـه == وليا صفا مره غدر عشر مـرات

انا حسبـت ان الليالـي صدوقـه == واثر الليالي تبدل الونس حسـرات

ياعل حبٍ عـاق قلبـي يعوقـه == كود يتذكر مامضى وكـل مافـات

للشاعر سالم اللميع


التعديل الأخير تم بواسطة الركام ; 2011-01-07 الساعة 10:53 AM
رد مع اقتباس