يالله بـعـراك الوثيـقـه تـوثـقـت
ياللي عراك لمـن وثـق بـك اوثاقـه
عبدك على وعدك وعهـدك ولا بقـت
مانـي مـن اللـي عاهـد الله وباقـه
واشكـي لـك الايـام معهـا توهقـت
واثـر لهـا مثـل البحـور اصطفاقـه
عطيتهـا وجهـي وفيـهـا تعلـقـت
وقامت تصـرف بـي تصـرف حماقـه
اورتنـي احـلام السعـاده ولاذقــت
ومـن الـعـزاره ذوقتـنـي اذواقــه
ليّه ثمـان اسنيـن غربّـت واشرقـت
واخـذت مـع كـل الفجـوج انطلاقـه
واقـوم واجلـس واحسبنـي توفـقـت
واصبحـت مالـي بالتوفـق عـلاقـه
وخضعـت لمـواس الليالـي وتحلقـت
وعطتنـي الايــام كــف الحـلاقـه
واول ليـا منـي زعلـت وتضايـقـت
القـى الفـرج فـي سجتـي للرفـاقـه
واليوم صـارت ضيقتـي مالهـا وقـت
اسـج وتـزيـد الضيـاقـه ضيـاقـه
لكـن ليـا منـي نظـرت اوتحقـقـت
واليـا القـراده عاشقتنـي اعشـاقـه
يابـو فهـد ياريـف قلبـي لياانعقـت
ياريـف مظيومـن اعظامـه ادقـاقـه
ليتك علـى صـدري وقلبـي توايقـت
وتشـوف ماكـدر ظميـري وعـاقـه
وتشوف كم خفيـت بالصـدر وادرقـت
من حمل يكسر قلب الاوضـح وساقـه
حملي ثقيـل وفـوق حملـي توسقت
من حمل مقطـوع العـراوي اوساقـه
ونصف اصدقاي اللي على الخير صادقت
قامـت اتقطـع بـي حبـال الصداقـه
واليـوم لا منـي نظـرت اوتطـرقـت
للـي مضالـي صـار قلبـي احراقـه
يامـا جمعـت اهمـوم قلبـي وفرقـت
والسهـر والله مـا حصلـي افـراقـه
وياما بكيـت لراحـة البـال واشتقـت
وياما انسـرق نومـي عليّـه اسراقـه
وياما علـى بعـض المعانـي تشفقـت
يـوم الـردي مالـه عليهـا اشفـاقـه
الشاعر : رجاءالله المحمدي " رحمه الله "