البارحه راسي تصافق طواريه
والنوم ماله يمة العين حروه
يلعب براسي صوب صلف المشاريه
ذيب عوى يبغى عشى إمه وجروه
وأنا على الدنيا من الهيه للهيه
ماهمني شهره ولاجمع ثروه
همي وغمي واحد يوم ألاقيه
كني عليل وبشوفته محو قروه
ياتل قلبي في الهوى من عروايه
تل الرشا دلو ثلاثين عروه
يتله اللي حامي القيض حاديه
يسقي له ابل ماراعاها بكروه
عشر شريدة كثرها من غواليه
أقفن كما يقفي مع الجم مروه
واللي بقى عشر وصاته من أبيه
من دونهن لو يصبح الصدر فروه
قلته وكل إناء ينضح بما فيه
وفالعمر يوم يبلغ العز ذروه
وياليوم هذا ياوله وين تاليه
والنوم ماله يمة العين حروه
الشاعر الكبير : ضيدان بن قضعان