[لحن الحياه]

لا لا تعـذر .. تـرى مـا للعـذر داعـي
_________________ السـر ذاع .. وتسنـى للبشـر كشـفـه

كم من رخيص ٍ يكب الصـدق بأسماعـي
_________________ وآكذبه .. وأطرده .. وألعنه في وصفـه !

وأقسم وآنا بالغبا .. (مفتون .. ملتاعي )
_________________ بإنـي أصـون المـودة وألغـي الكلفـه

والله لو أدري عن اللي بالخفـى ذاعـي !
_________________ ماكنت أوصـل مواصيلـي .. بـلا وقفـة

هذه حياتك .. وأنـا مـا أغيـر أطباعـي
_________________ وهذه حياتي .. وخـل القلـب فـي نزفـه

قدمت لك مايغيـض البيـض بذراعـي !!
_________________ قلبي .. وأنا آشوف في كفة يـدك رجفـة

شكيـت لكـن نسيـم العشـق ذعذاعـي
_________________ ولا هدنـي ليـن جتنـي ريحـه الصلفـة

ماكنـت أظـن بغديـر الدمـع مرباعـي
_________________ وإن الغلـى داخلـي ينسـاق لـي حتفـه

قبل أمس واعي .. وأظنك بي بعد واعي ..!
_________________ والليل جالس وانـا راسـي علـى كتفـه

وأبوحلـه عـن رفيـق ٍ للعمـر باعـي
_________________ ماقـدر اللـي شـراه وسلمـه عطـفـه

بانـت عذاريـب حبـه وأعلـن الساعـي
_________________ بانه تسلم رسالـة ( غـدر ) مـن كفـه

ياويل قلب ٍ غـرق .. والسبـة شراعـي
_________________ يوم إيتمايـل فـرح .. والحـزن بالدفـة

ياسيد البيض .. لا تضغط علـى اوجاعـي
_________________ وأنت إتظاهر .. ودمعات النساء حرفـه !!

يكفـي مـدام الكنيـن اليـوم ماطـاعـي
_________________ وقام ايتذكـر صـدى صدفـات منكسفـة

صدفة عشقتك .. وصدفة تطلب وداعي !!!
_________________ ياشين صدفة .. على ملعون ابـو صدفـه

أمسح دموعـك تـرى ماللبكـى داعـي
_________________ السر ذايـع .. ودمعـات النسـاء حرفـه

الشـاعر / عبدالله البكر التميمي

تقبلوا تحياتي
اخوكم/ لحن الحياة