[خاطف الأضواء]

هذه قصيدة كتبها خادم الحرمين الشريفين الملك فهد بن عبدالعزيز
ال سعود رحمه الله ـ في شهر شوال عام 1384 هـ

وإليكم القصيدة :

يابو سعد صارت على خوك غارات
*********************شهرين أقاسي من شديد الغرابيل
سو المرض يحمل على خوك حملات
********************ولا في يدي حيله ولافي يدي حيل
والله فزع من فوق سبع السماوات
******************وأنا احمد الله يوم صارت تساهيل
ماينفع الخايف والأيام عجلات
*****************الخوف ما ينفع ولا القول والقيل
حنا هل العوجا ولابه مراوات
*****************شرب المصايب مثل شرب الفناجيل
لا شك أنا مشغول في كل الأوقات
****************على الذي حنا بظله رجاجيل
ماني على نفسي كثير الحسافات
***************لا سلم راسه روسنا رفاع بالحيل
حامي حمانا بالليال المخيفات
***************لو صار بالعالم كثير الزلازيل
فخر العروبه بالعدل والمساوات
***************هذا هو الفيصل ولا فيه تشكيل
يشهد له اللي شاهدو منه ليات
**************ويشهد له التاريخ جيل بعد جيل