الموضوع
:
لايفوتكم موظف الإتصالات هههههههه
عرض مشاركة واحدة
#
1
2010-12-21, 11:53 PM
أم فهد
عضو متميـز
تاريخ التسجيل: Nov 2010
الدولة: الدمام
المشاركات: 2,586
جنس العضو: أنثى
لايفوتكم موظف الإتصالات هههههههه
شوفو هالموظف المسكين وهو يستقبل مكالمات المشتركين
لا وكان تعبان وزهقان ومزاجه مش ولابد والمايك معلق على راسه ...
المكالمه الاولى
:
الموظف :
الو ..استعلامات الدليل محمد ال......, مرحبا
المواطن :
الو .. ممكن لو سمحت تعطيني رقم عبدالله فهد سعد
الموظف :
وين ساكن اخوي لو سمحت
المواطن :
ساكن هنا قريب منا .
الموظف :
وين قريب منكم بالضبط .
المواطن :
ياخوي هنا جمبنا جارنا ماتعرفون رقمه .
الموظف :
ياعزيزي انا مادري انت وين بعد .
المواطن :
اقول والله ماعندك ماعند جدتي بس .
طوط طوط انقطع الخط
المكالمه الثانيه :
صوت ناعم
الموظف :
الو ..استعلامات الدليل محمد ال......, مرحبا
الصوت الناعم :
هلا اخوي ممكن تعطيني رقم بيتزا هت بس
مابي فرع النسيم دايم تعطوني اياه
الموظف :
اي فرع تبغون رقمه .
الصوت الناعم :
تدري ايش فيه فرع النسيم بايخ لآن البيتزا حقتهم
توصل بارده .. وبعدين شكلها خبز تميس .
الموظف :
بيموت من الضحك بس ساكت ... طيب خذي فرع العليا اجل
الصوت الناعم :
ياخي ليه ماتضحك .. لايكون انت صاحب بيتزا هت ..
مالت عليكم وعلى دمك .
طوط طوط انقطع الخط
المكالمه الثالثه
:
الموظف :
الو ..استعلامات الدليل محمد ال......, مرحبا
الطفل :
الووووووو عطني رقم وشسمه ..هذا..وشسمه ياربي ..
ايه ... حمود بادي فرج
الموظف :
طيب خذ رقمه ؟؟؟؟؟؟؟؟؟؟
الطفل :
لحظه ابي رقم ثاني بعد . ابي رقم هذا وشسمه ...
مانع فالح سامي
الموظف :
طيب خذ رقمه ؟؟؟؟؟؟؟
(ممنوع اكثر من اسم في مكالمه)
الطفل :
طيب ابي واحد ثاني هذا رقم ابو نادر عمي سعد .
الموظف :
اتصل مره ثانيه لانه ممنوع اكثر من رقم في اتصال واحد .
الطفل :
اقول وجع .. يوجع بطنك ( الفاظ وي وي ماتنقال ).. ترى مالك فضل ...
انا ماكلمك مجاني اكلم بريالي .
الموظف :
يخرج من طوره
( اقول اسمع ............. طوط طوط قفل الخط
المكالمه الرابعه
:
كانت صوت ناعم
الموظف :
الو ..استعلامات الدليل محمد ال......, مرحبا
الصوت الناعم :
عوافي اخوي .
الموظف :
الله يعافيكم يارب ........ ( اول مره احد يعطيه روح معنويه)
الصوت الناعم :
لا انا قصدي ابغى مطعم عوافي اللي في العليا .
الموظف :
طيب خذي الرقم ؟؟؟؟؟؟؟؟؟؟؟؟؟
المكالمه الخامسه :
كانت صوت ناعم اوي
الموظف :
الو ..استعلامات الدليل محمد ال......, مرحبا
الصوت الناعم :
مرحبا اخوي ممكن تعطيني مستشفى العيون للولاده .
الموظف
: كيف ..؟؟؟؟؟
الصوت الناعم :
مستشفى العيون للولاده .. تسمع والا اصمخ .
الموظف :
وده يكفخها بس المكالمه مسجله طبعا ( هذا رقمه غير معلن ) .
الصوت الناعم :
طيب ظف وجهك .
طوط طوط انقطع الخط .
المكالمه السادسه
:
كان صوت ناعم.. بنت
الموظف :
الو ..استعلامات الدليل محمد ال......, مرحبا
الصوت الناعم :
هلا اخوي ممكن تعطيني رقم صيدلية السقاف
الموظف :
تفضلي الرقم ؟؟؟؟؟؟؟؟؟
الصوت الناعم :
لا لا لا هذا رقم صيدلية السقاف اللي في الروضه
الموظف :
طيب ايش فيها .
الصوت الناعم :
ماهي زينه ... مايبيعون الا فقس ..
طوط طوط انقطع الخط .
المكالمه السابعه
:
كانت فتاه ايضا
الموظف :
الو ..استعلامات الدليل محمد ال......, مرحبا
الفتاه :
عيوني.
الموظف :
بلا هالكلام ايش تبغين .............(عشان المكالمه مراقبه).
الفتاه :
لا انا ابي محل عيوني للعدسات والنظارات اللي في التحليه .
الموظف :
ايش اسمه.. عيوني ؟!
الفتاه :
لا مو عيونك عيوني انا ياعيوني .
الموظف :
خذي رقمه ؟؟؟؟؟؟؟؟
الفتاه :
طيب شكرا لعيونك اللي كنها عيون بقره ...
ههههههههههههههه عندها بنات يضحكون .
الموظف:
طلع وترك الدوام .وراح يشرب عصير ليمون
مااااااااا اقووووووول إلا الله يعينهم ......
أم فهد
مشاهدة ملفه الشخصي
إرسال رسالة خاصة إلى أم فهد
البحث عن كل مشاركات أم فهد