هذه القصيدة
آخر قصيدة للشاعر: رجاءالله المحمدي ” رحمة الله "
البارحه يوم اقبلـت يـوم قفـت
عبرة هل التقوى وفتنة هل الغـي
صحيت من نومي وقمـت اتلفـت
تقل انتظر لي شي ومضيـعٍ شـي
من روعة الموقف عضامي تعفت
وكن السلاسل في يديَّـه ورجلـي
واللـي مروعنـي عنـودٍ توفـت
من موتها حيه وميتٍ لهـا حـي
فترة عزاها عيـد غنـت ورفـت
له معظم احساسي والاعلام بيدي
والثانيـة شبيـت نـاري وطفـت
في ضو نارٍ والعه ضيهـا ضـي
منها بـرد حامـي وبـردا تدفـت
وعظم الذبيحة مستوي واللحم ني
وضليت اصاليها وشامت وعفـت
جوارحي لا تشتكي الحرق والكـي
وابغى محاسنهـا وعنـي تخفـت
واجحد مآسيهـا ومتباينـة فـي
وحاولة فرقاهـا وثقلـت وخفـت
لا فزت في هذي ولا جزت من ذي
وابستشير اللي صفت له وصفـت
بحور عرف وروس تامر وتنهـي
وأخذ من الدنيـا تجـارب وكفـت
وبالعشر تبصم له عوارف وتمضي
أبـو محمـد عزوتـي لاستلفـت
علي عدواني وبـار الدهـر بـي
ملجاي لامـن السنيـن اشلحفـت
وصارت علي ظروف لاهي ولاهي
ريف الخوي بيت الكرم لاستحفت
دنيا الكرام وصارت أسوأ من السي
طويق لامن العقول استخفت
زبن الدخيل أول وهالحين وشـوي
عِد الروى لا ضحضح الماء وجفت
كل العدود وطويت الارشيـه طـي
وان ثقلـت القالـة ودارة ولفـت
يطلع بها القمه ويارد بهـا المـي
وان عمست الارياء وهفت وزفت
رايه صواب ومخطي الراي مخطي
حربي على رايه وشـوره تشفـت
روحي وتوجيهه ورايه فخـر لـي
وان جات اشاره منه كفت ووفـت
ويعبر بها البابور مع غبت دبـي
رحلة عمر كان اقبلت كان قفـت
عبرة هل التقوى وفتنة هل الغـي