[ابن حماد]

المشاركة الأصلية كتبت بواسطة رصد بروق جدة

عاد الكثر ماتوقع عليها شيء الموقع البريطاني صابت توقعاته اليوم على حائل وعقلة الصقور ويمكن وصلت الأمطار إلى قرى وأماكن محد دراي عنها أهم شي توقعنا نجح على عقلة الصقور.
وتحصل شاعرنا ابن حماد
ذلحين شاب النار وينشد بالقصيد.
نسأل الله أن يجعلها أمطار خير وبركة
ويعم بنفعها أرجاء البلاد والعباد
والقادم أجمل وأفضل بإذن الله تعالى

هلا وغلا في خبيرنا آبو عبد العزيز و لايهونون باقي الأخوه

عسى المزون الغر تسق المسمى
اللي من مزونه يعزل ربابه

اسود سواد الليل لجاه سما
وليادبرت غرا ثقيل سحابه

تنثر على العقله من مزونه الما
سهاب نهاب الطوبة ترابه

وغبت عليه الشمس والليل ظلما
وسرى كما جمر الغضا بالتهابه

يسوقها منزل تبارك وعما
حي كريم مايخيب الرجابه

كل يعد السيل من كل يما
مدت كريم ودعوة مستجابة

بعد ثلاثه كل شعبه تسمى
والارض لبسة سندس من ثيابه