السلاااااااام عليكم
بصراااااااحه القصيده ذي اعجبتني وحبيت انقلها
في زحمة الأفواه يا مزين الصمت
لا صار بعض البوح عند البشر عار
لو يشتعل جوفي حشى ما تكلمت
تعبت من قولة علامك وش صار
وان طحت ما ألقى سوى كلمة سلمت
واعذار اخلقها لو ما لي اعذار
مشيتها مره ومرات ما رمت
كذبة صباح الخير يا صبح الأنوار
عذري ليا عديت ليالي ولا نمت
اسهر طوال الليل وضيوفي افكار
واقول لأصحابي : نعم توني قمت !!
ما عاد فيني ألفت عيون وأنظار
يكفيني بأن من زماني تعلمت
ان الصدر بيت وسكانه اسرار
نيام بس يصحون لامن تألمت
آقدم اقدامي على درب الاصرار
امشي ولكن للأسف ما تقدمت
الغار قدامي ومن خلفي النار
وش عاد ينفع سترهم لو تكتمت
يا لين ذاك الحلم في لحظة انهار
وانا مع لحظة سقوطه تحطمت
جروحي كثار وتناهيدي كثار
لكن على كثر المواجع تبسمت
ثم ألتزمت الصمت وعزومي اكبار
ولو يشتعل جوفي حشى ما تكلمت
اتمنى تنال ع اعجابكم
مودتي