يقول احبك
 

قصيدة/ قصة حب /الجزء الثاني

يقول أحــبـك والْمعت كــل الافــلاك
ودار الـفضـاء والـتـف يـمـك حـنيني

حـــاولت أكــابــر لكن القلب يـهــواك
وش حيلتي لاصــرتِ لي نــور عيني

كتبتــك بــ نبضي و لا يمكن أنـســاك
انتي هــوى قـلـب ٍ لــ حـبـّــك رهيني

قلت الهوى دربــه متـاهـات واشـواك
محـد ٍ مـشـــاه الا تـشـوفـــه حـزيني

فيه العنـا .. فيه الشقـا فيه الانـهــاك
فيه انـكســار الـنفـس حـيـن ٍ وحيني

وفيـه المشـاعر ريـحهـا مـسـك وآراك
لاصــارت الـنـيــــة بــ شــرع ٍ و ديني

بيني وبينـك حـلـم يحـتـــاج الادراك
انـــه مجــرد حـلم بــيـنـــك و بـيـني

ما ودي قلبي عـن مـحبـتـه يـنـهـــاك
لـنــك شـعــور ٍ صــادق ٍ يـحـتـويـني

قلـب ٍ يـحبـــك ... ياما ياما تـمنـــاك
لـكــن واقـعــنـــا بــنــــا يـسـتـهـيـني

ان قلت احبك والا ان قلت انا اهواك
استـر على حـب ٍ بـ قلبي دفيني 💔

خوافي الشاعره القديره