الطيب دمعة
 

الطيب دمعة والردى ضحكة حجاج
* * ونفسك قبــل لا تلوم الأيام لمهـا


لــو المراجل طالهــا كــل هراج
* * *رخصــت فعايلهــا وقلـت شيمهــا


الجهل غدراء ليل والحكمة سراج
* *والخلـق شــاره والمنايـا سهمــها


والضيق سجن البال والسجة إفراج
* *وأن ضامتك خطوى المقاريد ضمها


لو الرجال تقاس بالبشت والتاج
* * مانفرق شيوخ العرب من خدمها


ولو كل من تارد بهقوتك هداج
* * ماشفت كبد ناشفه من وهمهــا


ناسٍ فرقها وجودها بين الأفواج
* *وناسٍ تساوى وجودها مع عدمها


وقت يهيج ويصطفق مثل الأمواج
* * نبـني الأماني والظنون تهدمهــا


من جرب الحاجة عذر كل محتاج
* *ناسٍ عطاها الله وناسٍ حرمهــا


ماعاد يمدي والحكي دونه سياج
* *لكــن تهجـى كلمتي وأفتـهمـها


أما تجي بحراج وتروح بحراج
* *وألا تــثـمـن جيتك وتحشمهــا


الشاعر زعل الرشيدي

الوااا(بالله)اااثق*
شكراً لك من أعماق القلب على هذا الشعور الطيب ممتنه لك 🌹 صح نبضك واحساسك العذب

بقآيآ .. حرف*
شكراً لك على هذاالشعور الطيب ممتنه لك الله يطول بعمرك 🌸 صح بدنك 🌷

صح لسانك و صح لسـان الشاعر
ابيات جميلة شكراً لك
لـــك الـــــتــــحيـــــه

رااااااائع ولك الشكر على الابداع