|
مرحوم يا مزن البرد
السلام عليكم
مرثية في الفقيد مزن البرد عليه من الله شآبيب الرحمه مرحوم يا مزن البرد ذائع الصيت ،،،، يا وافي الأخلاق راع التباشير خبر وفاتك شتت البال تشتيت ،،،،، لعثم على مثلي صهيل التعابير هذي حروفي عقب فقدك مخافيت ،،،، عيت توردني على جمة البير ياما معك زانت لحوني على بيت ،،،، ورديتها بإبداع مع حسن تصوير وياما على بشراك وأحلى المواقيت ،،،، لاح السحاب وهل وبل الشخاتير وياما يبو خالد عفيت وتساميت ،،،، واصبحت نادر في زمان المشاهير نفرح ونسعد بالبراري ليا جيت ،،،، لا من دخلت معرفك فارق وغير حطيت لك بصمه ورسمه وتثبيت ،،،،، بين الرجال الطيبين المناعير أقفت ركابك حق يا مزن واقفيت ،،،، الروح أمانه عند وآل التدابير أقفيت عنا والمشاعر تناهيت ،،،، مانك رخيص وحكمة الله مقادير الموت حق وكل ميّت وله ميت ،،،، يالله عسانا لا رحلنا على خير حالة جوية الحربي |
بيض الله وجهك ورحم والديك كلمات رائعة
ورحم الفقيد رحمة واسعة |
الله يرحمك يابوو خالد
كلمات رائعة من شاعر له ثقله صراحه الله يعطيك العافيه اخوي عبدالله |
الله يرحمه
وصح لسانك ابيات رائعه ومؤثره |
صح لسانك وعلا شانك يالحربي
وأسأل الله المغفره والرضوان وواسع الجنان لفقيدنا الغالي كل التحايا |
على خير
صح لسانك واحسن الله عزاكم وعزانا جميع الخسارة وحده الله يرحمه ويغفر له ويلهمنا الصبر |
صح لسانك
الله يغفر لبو خالد ويرحمه رحمة واسعه ويجعل قبره روضة من رياض الجنه يالرحم الراحمين |
اقتباس:
الله يجزاك خير سررت بمرورك ودعائك امين |
اقتباس:
تسلم اخوي جار كحلة سررت بمرورك واطلاعك تحيتي لك |
اقتباس:
صح بدنك اخي حرة الحره سرني مرورك وتوقيعك لك التحية |
| الساعة الآن 10:19 PM |
Powered by vBulletin .
جميع الحقوق محفوظة © لشبكة ومنتديات البراري 2010