|
قاعدة لثلاجة السيارة
السلام عليكم ورحمة الله وبركاته
أعضاء وزوار البراري نحن الآن إن شاء الله مقبلين على موسم الشتاء والخير والربيع ومع العافية تزين الكشتات والغالب يحتاج ثلاجة معه وهذه قاعدة للثلاجة سعة 40لتر طبعاً ماهي غريبة ولاجديدة لكن من باب التذكير وتكون مثبة بالطبق بمسارين وتقدر تنزل الثلاجة في الأرض بدون القاعدة وإذا انت تخاف تخرج من مكانها عند وجود مطب ضع تحت القاعدة السبتة التي تكون لربط العفش [IMG]https://up10.arabsh.com/1/526d775.jpg[/IMG] [IMG]https://up10.arabsh.com/1/fe721b5.jpg[/IMG] [IMG]https://up10.arabsh.com/1/5758083.jpg[/IMG] |
ما شاء الله
فكرتك ممتازه وكثير نتبهذل تصدق تصلح حتى لحافظة الثلج شكرا جزيلا |
=======================
السلام عليكم // ياهلاوالله بأخوي الروضه // حيا الله مخترعنا الغالي // قاعده طيبه للثلاجه // رغم إني لا أعرف الثلاجات ولا أحجامها // لكن أخوي مو التلاجه بكل هالحجم ما تاخذ حجم كبير من الشنطه // هل فيه ثلاجات أصغر من هالحجم // ولك شكري وتقديري // أخوي الغالي // ================= |
أخوي سلوم
حياك الله وياهلابك ومشكور على تشريفك وإن شاء الله بعد اليوم ماتتبهذل الأخ مراسل جدة حياك الله وياهلابك نعم فيه أصغر من هذا الحجم لكن مايستفيد منها راعي البر وهذه تعتبر 40لتر والغالب يأخذ 50لتر وللمعلومية إذا الثلاجة ماتأخذ الذبيحة فهي ماتصلح لراعي البر ومشكور على تشريفك |
الله يعافيك وحلووووووووووووه
بس ماتلاحظ ان الثلاجه رفيعه مره وقريبه من سقف الموتر وراك ما فتحت فتحه في الطبق وتدخل الثلاجه مندخل وتكون طمينه مجرد راي دندشه |
السلام عليكم ...
ثلاجه فكرتها منتازه ياليت تفيدونا عن مكان بيعها و أسعارها الطيـــــــــــــــــار |
ماشاء الله
فكره حلوه وممتازه الله يعطيك العافية |
على طاري الثلاجات
وش افضل نوع ثلاجات للسياراااااااااات ابي نوع يثلح وليس تبريد بس فكرتك تمام بس خل نركب طبق السيااااره ابي اعرف وين يباعن عندكم في الزلفي فيه ؟؟ سلام |
من غيرك يجيب الافكار يابو الافكار الله لا يخلي المنتدى من افكارك و لا يهونون الجماعه
ودمتم ســـــالمين |
أخوي دندشة
حياك الله ومشكور على ملاحظتك طبعاً لوفتحت لها في الطبق يضيق على وأنا إستعمالي لها وقت الرحلات فقط وبعدين الباب ينفك كامل مافيه مضايقة أخوي الطيار حياك الله وياهلابك هذه تباع عند السنيدي وسعرها 1950ريال وصناعتها الماني وحجمها 40لتر وعليها ضمان سنة وفيه أحجام أكبر منها وأصغر وأي استفسار أنا في خدمتك أخوي راعي الغنم أشكرك على مرورك الكريم أخوي أبو ناصر حياك الله وياهلابك طبعاً هذه ماتباع عندنا في الزلفي وإنما في بريدة والرياض ويمدحون أصحاب الثلاجات ( الطمرة ) وفيه إيطالية والكمبرسر الماني عند الرماية لكن سعرها أغلى من الطمرة وبعدين خذها بدون طبق ماهو عذر لك يا أبو ناصر والطبق لاحق عليه أخوي التركي حياك الله وياهلابك وأشكرك على مرورك الكريم |
| الساعة الآن 12:48 PM |
Powered by vBulletin .
جميع الحقوق محفوظة © لشبكة ومنتديات البراري 2010