شبكة البراري - استبيح العذر منك والسماح

الشاعر/ حمود بن حامد الجابري

شاعر يبدأ معنا ومع القارئ بقصيدة شعرية جميلة يقدم من خلالها حضوره ليؤكد أن هناك
من يستحق المتابعة، قصيدة فيها اعتذار ونصح ومصارحة تكشف صدق المشاعر بين المحبين
أصحاب القلوب الطاهرة التي يجمعهم الحب العذري.

استبيح العذر منك والسماح

كان قلبي عن خطا ذنبك نصيح

ما يضر النصح بقلوب الصحاح

كل خوفي يضعف العزم وتطيح

المحبة عطرها بالطيب فاح

ساقها الله بيننا مع كل ريح

من غلا جيتك ومن باب المزاح

كلمة بقولها لك واستريح

لا تبعثرك السواليف الملاح

ولا يغرك ضحكة القلب الجريح

صحبة اللي ما يقديك الصلاح

هافي الذمة ومنطوقه قبيح

حاول انك تنسحب قدر المتاح

واتركه وانساه يالفذ المليح

صاحبك لا من هفا مثل السلاح

طول عمرك يمكن ال غدره طريح

بالسعة وافي ولا من طحت راح

وان بغى جاء وان بغيته لك شحيح

بسألك متى يكون الشوف باح

وانت غافل في حياتك ما يبيح

دور اللي خوته مثل الوشاح

ان بغيت النصح. ولا للمديح

في ملامح وجه اتشوف السماح

وفي مشاعر خاطره هرج الصريح

ان وصلته عد ينضح بالقراح

وافي المنطوق ولسانه فصيح

لا أذن المذن وحي على الفلاح

أستعد وحثك الوجه الفليح

قال يالله كان تبغى الانشراح

الصلاه افضل من النوم المريح

هذا هو اهم هقوات النجاح

كان تبغى الصح والدرب الصحيح

-