فقيدة
 

السلام عليكم
مساء الخير
مرثية في الفقيد الغالي / بندر بن سالم الطريسي
الذي وافاه الأجل المحتوم مساء الجمعة الماضية
أسأل الله أن يغفر له ويرحمه ويكرم نزله ويصبرنا على فراقه

...


الشعر يشره والمواقف نشيده
والقاف حكمة في معانيه وأسلوب
يا هاجسي لا قلت شد القصيده
عجل ترى حلق التعابير مقضوب
هات القوافي من شجنها سديده
الحزن فارس والمعاليق مركوب
ما هو هوى في صف نادر جديده
ودي تشارك ضيقتي بس وتنوب
ما شفت وشلون المصايب شديده
كيف الفراق يضيم لا غاب محبوب
لا صار غالي مثل [ بندر ] وليده
لا بد ما نرثيه والنزف مندوب
لا والله الا راح منا فقيده
عز الله انه له مكانه ومحسوب
راس ٍ يساوي في وصوفه بديده
الجود بندر كان للطيب منسوب
له منزل ٍ شامخ وميزه فريده
معروف ابو سطام مدهال ورحوب
مرحوم جعله وسط جنة مديده
عساه فيها بالسعد ماله ذنوب
والموت حق وكل قبر وحديده
حتمن ٍ على كل المخاليق مكتوب
ولا مات من خلا عياله رصيده
انشهد انه عقب أحرار ونجوب
عسى البقاء والوصل فيهم يزيده
الله يجير كسرهم خير ويثوب
وصلاة ربي عد تكبير عيده
على نبي ٍ ما سعى زيف وكذوب


وسلامتكم

صح لسانك شاعرنا ومشرفنا القدير
على هذه المرثيه الرائعه والمؤثره جدا
غفرالله لميتكم واسكنه فسيح جناته
والهمك وجميع اهله ومحبيه الصبروسلوان
اللهم آمين ...... تحيتي وتقديري

آمين يا رب
سعدت بمرورك وتوقيعك اخي العزيز ابو حماد
الله يجزاك خير ولا ترى مكروه بعزيز
تسلم صح بدنك
تحيتي

آمين يا رب
جزاك الله خير شاعرنا المتألق ابو سيرين
ما ترى مكروه بعزيز
تحيتي

الله يرحمه ويغفر له ويسكنه
فسيح جناته انه سميع مجيب


صح لسانك


ياصبح المطر


دمت بخير


تحياتي

آمين

جزيتم خيرا اخي العزيز غانم
لا أراكم الله مكروها بعزيز
مرورك واشادتك وسام غال على الصدر
تحيتي

الشاعرة المتألقة / رذاذ

سعدت بمرور وتوقيع شاعرة رائعة نكن لها كل إحترام وتقدير
صح بدنك ولا هنتي
آمين
لا أراكِ الله مكروهاً بعزيز
تحيتي