|
تكفون فزعتكم
بسم الله الرحمن الرحيم
السلام عليكم ورحمة الله وبركاته أخواني وأخواتي في منتدى البراري الكرام أنا عندي أخوي مريض وحالته صعبة ورفضوا عدة مستشفيات تنويمه وأرسلت لسبق قبل 5 أيام موضوع مناشدة للملك عبدالله لعلاجه بأحد المستشفيات وإلى الآن مانزل الموضوع ولا اتصلوا أرجو من لديه رقم للتواصل معهم عن طريق الاتصال او الواتساب او أحد المراسلين في المناطق أن يرسل لي رقمه على الخاص وضع أخوي الصحي صعب جداً ودعواتكم له بالشفاء وبإنتظار فزعتكم الله يجزاكم الجنة |
الله يشفي اخيك و يلبسه ثوب الصحة و العافية
اتوقع المشرف الكريم تركي الوايلي لديه اتصال معهم اتمنى انه يفيدك و يجزاه خير |
هلا ياابومحمد
الله يجزاك خير |
ابونواف
تكفى ان كان لك تواصل معهم أن تساعدني وتنقذ حياة أخوي بعد الله تعالى الكلى عنده تعبانه مرة حتى جسمه تورم ومايطلع منه السوائل الله يجزاك بالجنة |
ياليت تضع رقم جوال للتواصل لكي نقوم بنشره في تويتر لعل الله يساعدكم
دعواتنا لكم بالصحة و العافية |
لاحول ولا قوة الا بالله
لازم مناشده لاحول الله هذا اقل حقوق للمواطنين لكن مع الاسف !!!! ومايشوف شر يارب الله يعينه لازم اخوي ترسل الخبر مره ثانيه وثالثه ورابعه لاتوقف |
لاحول ولا قوة إلاّ بالله العليّ العظيم ..
مابيّدي شيء ياأخوي ولا كان ماترددت لحظه في مساعدتكم ... بإذن الرحمن الأعضاء مابيقصرون معكم ... ونحنُ علينا الدعاء .. اللهم اشفه شفاءً ليس بعده سقماً ابدا.. اللهم خذ بيده .. اللهم احرسه بعينيك التى لا تنام ... و اكفه بركنك الذى لا يرام .. و احفظه بعزك الذى لا يُضام .. و ارحمه بقدرتك عليه ّ.. أنت ثقته و رجائه .. يا كاشف الهم ... يا مُفرج الكرب ... يا مُجيب دعوة المضطر .. اللهم البسهُ ثوب الصحة والعافية عاجلاً غير آجلاً ياأرحم الراحمين .. ياأرحم الراحميـــن ياأرحـــم الراحــــميــن اللهم امين رذاذ |
الله ييسر امرك يالغالي واسال الله العلي العظيم ان يشفي اخيك بالقريب العاجل |
اسئل الله العظيم رب العرش العظيم ان يشفيه
تكفون يالنشاما اللي عنده استطاعه لايبخل باللي يجد |
الله يجزاكم الجنة جميع
ماقصرتوا حتى لو بالدعوات رفضته عدة مستشفيات حكومية وعنده تقارير طبية التخصصي يقولون للأمراض المستعصية ومدينة الملك فهد الطبية رفضوا أربعة تقارير طبية من مستشفيات حكومية وخاصة مستشفى القوات المسلحة رفض تنويمه لأنه غير عسكري أنهكوه على مافيه من المرض رفضوا حتى أوامر من الأمير سلمان ومن أمير الرياض حسبنا الله ونعم الوكيل الآن لي اسبوع أطارد وراء صحيفة سبق لتعرض مناشدة للملك عبدالله يعالجه بالداخل أو الخارج تكفي دعواتكم ياغالين والله لايريكم مكروه |
| الساعة الآن 02:04 PM |
Powered by vBulletin .
جميع الحقوق محفوظة © لشبكة ومنتديات البراري 2010