|
سحاااب - الله من قلبن همومه تمسه
السلام عليكم ورحمه الله وبركاته هلا بالغالين ومرحبا هذي الابيات كتبتها ونا توي طالع من عند لجنه طبيه اخبروني ان اصابتي في العامود الفقري خطيره جدا ونسبه نجاح العمليه سبعه في الميه طبعن رفضت اجراء العمليه وبعد ماطلعت من عندهم ركبت سيارتي ورحت للبر ناوي نيه هههههههه ناوي اصيح وااخاف يسمعني احد ويقول انهبل انتم عاد خابريني عندي طقوس خاصه الا جيت اصيح اصارخ مصارخ مهوب صياح اوادم ونفش شوشتي بعد وش اسوي خلوني ابرد قلبي هههههههههههه ويوم قضيت وبردت كبدي من صياحي كتبت هذي الابيات وجيتك مدرعم للبيت الــله من قلبـ,ـن هـــمــومـــه تـمــســه مس الرشـــا في محدبـــات الســـواني والــله من قلبـ,ـن غثا البـــيــن دســـه دايــم يــدســـه خايـــف أنـــه يــبــــاني وعــديـت رجـمـن والـهـــبايب تــنسه مـن حــر مابــي جـيـت انا لـه وعاني جمــرالغــضى بـيـن المحانـي اجسـه يصـرم مـعالـيـق الخـفــوق وشـوانـي يـالايــمــي مــا حـــســك اللي أحـســـه ولا ذقـتــا حـــر المطـــرق اللي كواني أخــاف يـومـ,ـن مقــدر السوق أعسـه تـعــوقـنـي رجـلي من اللــي بـــلانــي مابـــي أنــا الكرســي ولا ابـي أمـسه مـــوتـــي ولا يشـفـق عليه زمـــــاني سحاااب شقراء |
لي الشرف أول من يرد على هذي الباذخة صح السانك
احساس من الطراز القديم الجزل بارك الله فيك |
سلامتك ياخوي ممـــا تحسّــه
الله يجيرك من ظروف الزماني أسعدك الله ياسحاب سلم الفكر وصح اللسان والبنان تحيتي |
لاباس طهور إن شاءلله يابومشاعل
صح لسانك على القصيدة الطيبة التي تعبر عن الموقف والحال التي تمر بها عليك بالحلبة ويعافيك ربي لاهنت ياعمنا. تحيتي |
سلااامات اخوي الغالي ابومشاعل ... صح لساانك يااالقررررم ،،،،
|
صح لسانك شاعرنا سحاب شقراء
شفاك الله وحفظك ... وأطآل في عمرك رذاذ |
اقتباس:
ياهلا ويامرحبا ومسهلا بك ياعبد المحسن الغالي الشرف لي بمرورك الطيب الله يشرف ويعز مقدارك |
اقتباس:
هلا ومرحبا ومسهلا بخوي غانم شرفتني شرف الله مقدارك يالغالي |
اقتباس:
ياهلا ويامرحبا ومسهلا بخوي محمد صح بدنك يالغالي ضنك الحلبه تبي تسر ههههههه ابا اجربها ان شاء الله تعالى شرفتني يالغالي |
اقتباس:
هلا ومرحبا ومسهلا شرفتني يالغالي شرف الله مقدارك |
| الساعة الآن 01:49 PM |
Powered by vBulletin .
جميع الحقوق محفوظة © لشبكة ومنتديات البراري 2010