|
ليت غايات النفوس العفيفة ما تضيع
ودع الصبر المخيم على البال الوسيع وانتبه لا تطرق ايديك باب المستطاع .. هات روس المستحيلات وأقرنهن جميع أنت جايع والمشاريه من حولك جياع .. جعل حظك ينبت الورد ما ينبت ضريع صرخةٍ من واقع الحال تعطيك اندفاع .. خابر إن الضيق فالجاش والقلب الوجيع ما درت عنه التباريح وكبود الشباع .. أمسك الضلع القصير قلم سحر وبديع والدقل باقي ضلوعك تعلق به شراع .. ارسم البسمات والشمس وأزهار الربيع وأفتخر لو كان ما من عبير ولا شعاع .. السنين أوحش من الليل في عين الفجيع وأكذب من الذمة اللي مخابيها وساع .. ليت غايات النفوس العفيفة ما تضيع بين قلة ذات الأيدي وسطوات السباع .. لا رعى الله من تولى سياسات القطيع استطاب الجمر والجمر ما يصلح متاع .. وين حق الناس مثل المهادي مع سبيع مزج ما بين التفاني وعلم الإجتماع .. ينفطر قلب الحمامه على الغصن الرفيع والورق يندى محياه من نزف اليراع .. كم وديع ٍ مقدر أقول ياهل الوديع بينك وبين الوداعه مساحة واتساع .. لاتغرك ضحكةٍ في فم الطفل الرضيع آه لو تدري بما بعد ضحكات الرضاع .. وكم فقيرٍ كل ما حاول إنه يستطيع ما لقى له من يد الفقر تسليمة وداع .. لو بدا له في الدجا نجم واقتاده وزيع تاليته يودع الصبر ما للصبر داع .. يمكن أن الجرح ما مر في عمره سريع .بس عمره مر فالجرح من بدري وضاع . مما رآآق لــــي |
تسلم ياابو خالد على الذوق والاختيار
|
إختيار جميل ، وقصيدة جزلة
صح لسان الشاعر ، ويسلم الناقل لاهنت يالسمي |
تسلم يابوخالد ابيات قمة في الروعة
اختياراتك موفقة صح لسان شاعرها ودام لنا ذوقك |
صح لسان الشاعر
قصيدة طيبه .. لاهنت على الاختيار . |
إختيار جميل وقصيدة جزلة
صح لسان الشاعر ويسلم الناقل |
سلم راسك يا شاعرنا الفذ مودتي
|
اقتباس:
لا خلا ولا عدم ودي |
اقتباس:
سرني مرورك الكريم لا خلا ولا عدم ودي |
اقتباس:
سرني مرورك الكريم لا خلا ولا عدم ودي |
| الساعة الآن 01:14 PM |
Powered by vBulletin .
جميع الحقوق محفوظة © لشبكة ومنتديات البراري 2010