|
ارفع ستار الليل وانقض جديله
ارفع ستار الليـل وانقـض جديلـه لا تستريـح الاّ بـروس الطّوايـل يا صاحبي .. لو هي غَدَتْ مستحيله أشْهِرْ عليها سَيـفْ بِيـضْ الفعايـل مـا ترتفـع للعـز نفـسٍ ذليلـه ولا تُوهِبْ العليـا عيـال الحمايـل الحُر .. يتعب لين مـا تستـوي لـه يلهث وراها لـو بشتّـى الوسايـل جَوّدْ عنان الوقـت وبكـل حيلـه واسلك طريـق العارفيـن الاوايـل من لاَ يحـوش المَرْجَلَـه عزّتـي لـه يبي يشوف مـن الزّمـان الهوايـل والعِلْـمْ تسمـو غايتـه والوسيلـه يشعل قناديلـك لـو الحـظ مايـل ترى ( عمى عين الظّـلام ) الفتيلـه والاّ الجهل ( يعمي ) بعـز القوايـل وان طاح كَفّكْ فـوق يـدٍّ بخيلـه قل : ما تضيق الأرض بـأهل الجمايل وادخل على اللي ما يضيّـع دخيلـه ملجاك .. لا شحّت عليك البدايـل تلقى الفضيله فـي دروب الفضيلـه وتلقى الفشيله فـي دروب الفشايـل أحيـان نـاس تحبّبـك فـي قبيلـه واحيان شخص يكرّهك فـي قبايـل آمل ان تصل الى مستوى ذائقتكم الراقيه للشاعر/خالد الجبر |
وان طاح كَفّكْ فـوق يـدٍّ بخيلـه
قل : ما تضيق الأرض بـأهل الجمايل اي والله ، والخير مايعدم في الناس صح لسان الشاعر والناقل بيض الله وجهك يابوعايد ماتجيب إلا الطيّب لاعدمناك |
بيض الله وجهك اخي الغالي
|
شاعرنا محمد المقاطي اشكر لك المتابعه
وحسن الحضور لاعدمناك ولا عدمنا تواجدك اخي الكريم ودي وتقديري لك |
وان طاح كَفّكْ فـوق يـدٍّ بخيلـه
قل : ما تضيق الأرض بـأهل الجمايل وادخل على اللي ما يضيّـع دخيلـه ملجاك .. لا شحّت عليك البدايـل تلقى الفضيله فـي دروب الفضيلـه وتلقى الفشيله فـي دروب الفشايـل أحيـان نـاس تحبّبـك فـي قبيلـه واحيان شخص يكرّهك فـي قبايـل الله على هالكلام يا ابوي درر منثورة صح لسان شاعرها انشهد انه جزل وتسلم ايدينك على هالرائعة اعجبتني بقوة |
قل : ما تضيق الأرض بـأهل الجمايل
وادخل على اللي ما يضيّـع دخيلـه ملجاك .. لا شحّت عليك البدايـل تلقى الفضيله فـي دروب الفضيلـه ابيات في قمة الروعه اخي الحبيب اشكرك يالغالي |
اخي راشد اشكرك على تواجدك
ومرورك الكريم ودي وتقديري |
العفو اخي ابوسالم
شاكرا لك متابعتك ومرورك الكريم ودي وتقديري لشخصك الكريم |
| الساعة الآن 11:15 PM |
Powered by vBulletin .
جميع الحقوق محفوظة © لشبكة ومنتديات البراري 2010