|
ماتخيّرت .. حب الخيل .. ورث الجدود
ماتخيّرت .. حب الخيل .. ورث الجدود حيّ ورثٍ يرد النفس لجدودهـا الولع شين .. ياراع الولع لاتكود روحك اللّي تقود المجد ويقودها ماتخيّرت .. حب الخيل .. ورث الجدود حيّ ورثٍ يرد النفس لجدودهـا ماتقل قلبك العليا عليها ورود وماتقل عقبك البيضى على حدودها قالوا إنك عشقت الخيل والخيل خود عشقها يستبيح الروح ويكودهـا مهرتك في تعجرفها تحدى الحسود لوله ألفين عين ٍ ماحوى زودهـا فلوة الشمس ترفه .. وين عنها الصدود حي ماها ومجناها .. ومولودهــا سرجها الريح ويديها سراديب نود ونار قرم معارفها من وقودهـا وخصرها للغواني مثل خصر العنود وجيدها جيد جادل .. ليّن عودهـا سيندريلا العوادي .. مالها بالوجود كفو .. إلا أنت سيدها ومحسودهـا كنها من غلاها بالمحاني ترود تصطفق في ضلوعٍي .. وتبرق رعودهـا كن عينك لها سِيدَه .. ورموشك حشود لا انثنت شفت قلبك زمّ بعضودهـا منوة اللّي يبي طرد السهل والنفود فارس ٍ تحتميه الناس ويذودهـــا ركضها .. واذكر الله .. ركض ريم ٍ شرود مخطر ٍ من حوافرها .. على خدودهــا كنها تدري إنك في هواها ورود فلوةٍ تقل طفله .. حلو جحودهــا اذكر الله عليها عن عيون الحسود من حدود البياض .. لمنتهى سودهـا مما رآآآق لــــي |
ياسلام يالسمي
إختيار على مستوى والخيل سبحان من صورها وجملها مالوم الشاعر سلمت ولاهنت |
الله على هالابيات الجميلة
يسلم ذوقك يابوخالد الخيل تجبرنا على حبها سبحان الله فيها شموخ ومهابة وعزة تسلم يمناك لاعدمناك ودي وتقييمي |
اقتباس:
سرني مرورك الغالي لا عدمناك ودي |
اقتباس:
شكراً لمرورك وتقييمك لا عدمتك ودي |
ابيات في قمة الجمال
سلمت يمناك يالغالي وهذه مشاركه مني لصور خيل https://up.albrari.com/uploads/13534393321.jpg https://up.albrari.com/uploads/13534393332.jpg https://up.albrari.com/uploads/13534393333.jpg |
الله لله على هذا الذوق في لاختيار
قصيده في منتهى الرووعه لله يسعدك ويعطيك العافيه |
صح لسانك اخي الغالي لاهنت |
| الساعة الآن 03:32 AM |
Powered by vBulletin .
جميع الحقوق محفوظة © لشبكة ومنتديات البراري 2010