|
وصـيـتــيــے أهـےـديـتـےــهـا أمــيــے
( وصـيـتــيــے أهـےـديـتـےــهـا أمــيــے ) لا تجزعي يمه ترى الوضع عادي دين(ن) علينا لازم إنا نوفيه واليوم يمه حان وقت السدادي وراع الوفا لازم يقدر مباديه يالغاليه لا من دعانا المنادي حق(ن) علينا يالحنونه نلبيه وطن جمعنا فيه حضر وبوادي ما نستحقه كان ما حنا بنحميه إذا رجعت بخير هذا مرادي وإن صابني المكتوب أنا راضي(ن) فيه موتة شرف ما دمت أخدم بلادي وكل(ن) على النيه عسى الله يجازيه وقبل السفر عطرت حرفي بكادي وبأسمك يأغلى خلق ربي أبهديه وببوح لك شي(ن) يكنَّه فوادي شي(ن) معنيني وبالقاف أبوصيه الأوله رضاك إنتي وأبويه مرادي والثانيه صغار(ن) وجودي يهنيه واللي بيجي يمه بفترة بعادي ترى على أسم الخال خالد مسميه أسم(ن) يشرفني ما بين العبادي وفيه إن دعوني أعتزي بقول لبيه قولوا له إني عن بلادي أفادي شهيد واجب راسكم ما أوطيه وقولوا له إني كنت إنسان عادي أخاف ربي ودايما كنت أرجيه وقولي لأبوي العلم عني وكادي ما خابت الهقوه بطير(ن) مربيه الطير حر ويعجبه بالهدادي لا هد مضرابه تبين مساطيه خذا الوفا منك وهو بالمهادي يبغاك باللي يفعله تفتخر فيه الــشــــاعــر : ســلــطـــــان خــلــــف الــرويــلــــي |
ياسلام عليك رسالة رائعه من شاعر جزل
والوطن له حق علينا وانت ماقصرت والله يرزقك ما تمناه لاتقطعنا بالجديد |
سلمت يابوخالد على القصيدة التي تبعث بالنفس الحماس
حب الوطن وبذل الروح لاجله غاية كل مسلم صح لسانك ياطير شلوى كفيت ووفيت قصيدة تستحق التقييم |
صح السانك يابوخالد لاعدمناك يالعاصف
الوالدين مانستطيع نوفي لهم حق اللهم ارحمهما كما ربياني صغيرا والوطن له حق علينا نحافظ عليه |
اقتباس:
جمال شعر وشعور لا يجيده إلى سلطان الرويلي متابع بإعجاب لجميل حروفك تحيتي |
| الساعة الآن 09:36 PM |
Powered by vBulletin .
جميع الحقوق محفوظة © لشبكة ومنتديات البراري 2010