|
كشتة اليوم الاحد 12/12/1433هـ ( أجواء رائعة - سيل ) اول تغطية بوسم 34 (الجنوبي 2000)
السلام عليكم ورحمة الله وبركاته يالله حيا جماعة الخير أعضاء ومحبين وزوارهذا المنتدى الرائع نرجع لكم بعد فترة توقف من الصيف للظروف الخاصه . الحمد الله مع دخول الوسم هطلت امس امطار على جنوب شرق تمير وتحديداً بمفيض ابو ركبه والاماكن القريبه منه واقدم تقرير بسيط ليومي هذا اتمنى ان يعجبكم .. طبعا الساعه 6 ونصف ومطر خفيف على تمير جعل صباحنا جميلاً بالاجواء الرائعة والممتعه مشينا مع ابو عبدالله والعم الغالي بو ناصر لشرق تمير نتمشى ونشوف سيل امس الطيب عليه .. بداية خروج من البيت ثم بالطريق بعض النقع من سيل امس وامطار الصباح الباكر باتجاه مفيض ابو ركبه .. الافطار والشاهي .. شاهي البطين ثم تحركنا نتمشى بالمفيض سيل طيب استمتعنا فيه ,, حمد الله يارب منظراعجبني ثم وقفنا بشعيب ابو رمل اعجبنى ورمله احمر بعد المطر وبارد وفنجال عويدي يسمد الراس ثم فكرنا بالغدا قلنا نبي غدا غريب هع بدون لحم لان كثرنا منه هاليومين ولا رز هع العم بو ناصر تولا المهمه والسلطه لها حضور بسم الله يا سلام صوره لجلستنا وقدوم ضيفه علينا وش ناويه عليه ,, ياعيني يا ناس هالمزيونه تشرب من البزبوز عطشانه حيييل خذي راحتك يا شيخه بعدها تحركنا وتمشينا بالاماكن الي حولنا سايله سيل خفيف شغاياها نازله بس شربت من العطش ثم وقفنا براس الطعس نصلي وماشاء الله غيم يغطي الشمس عصراً وشبينا الشاهي (( شاهي نمساوي يقوله راعيه ههه ) سكه بها سيل طيب وبعدها غربت شمس اليوم الاحد والله يجيب الخير لنا باذن الله الليله .. في الاخير تقبلوا تقريري البسيط هذا لكم ودي وامتناني على متابعتكم اخوكم الجنوبي 2000 ابو عبدالعزيز |
ماشاء الله
رحلة راااائعة وموفقة بااارك الله فيييك أخي الجنوبي |
ماشاء الله رحله موفقه
مشكور اخوي على التقرير |
مشكوريابن العم على هذا التقرير الرائع والمميز
ربي يجزاك خير |
ما شاء الله
تقرير جدا مميز بورك فيك |
تقرير مميز وأجواء ممتعة
ماشاء الله تبارك الله الله يجعلها امطار خير وبركه وينفع فيها البلاد والعباد |
بارك الله فيك على التقرير الجميل والرائع |
وعليكم السلام ورحمة الله
ماشاء الله تبارك الله تهناكم الرحمة تقرير رائع كيف لا وهو من عدسة زعيم الرحلات الجنوبي 2000 بارك الله فيك اخي ابو عبدالعزيز وتسلم يمينك سلامي لك ولصحبك الكرام |
تقرير رائع
مشكور والله يعطيك العافية |
وعليكم السلام ورحمة الله وبركاته
ماشاء الله تبارك الله رحلة طيبه بعد امطار الخير والبركة . عساكم على القوى . الله يعطيك العافيه اخي الكريم |
| الساعة الآن 05:17 PM |
Powered by vBulletin .
جميع الحقوق محفوظة © لشبكة ومنتديات البراري 2010