هذه مرثية الامير خالد الفيصل في والده الملك فيصل رحمه الله .......
 

هذه مرثية الامير خالد الفيصل في والده الملك فيصل رحمه الله .......


--------------------------------------------------------------------------------

لاهنت يـا راس الرجاجيـل لاهنـت
لاهان راس(ن) في ثرى العود مدفون

و الله ما احطّك بالقبـر لكـن آمنـت
باللي جعل دفـن المسلميـن مسنـون

منزلك يا عز الشـرف لـو تمكنـت
فوق النجوم اللي تعلّت علـى الكـون

سكنت دار المجد يا شيـخ و اسكنـت
شعبك معك في منزل العـز ممنـون

صنت العهد يا وافي العهد مـا خنـت
علمتهم وشلـون الاشـراف يوفـون

كم ظالم(ن) عاداك و اعفيت و احسنت
و اخلفت ظن جموع ناس(ن) يظنـون

شلت الامانه حافظ(ن) مـا تهاونـت
شفنابك رجال(ن) على النفس يقـوون

ياللي طلبهـا الملـك بالحـب زيّنـت
عرشك بتاج قلوب شعب(ن) يحبـون

لوّنت تـاج الملـك مـا قـد تلوّنـت
ما غرّتك دنياك مـا صـرت مفتـون

بالزهد و المعروف والصبـر كونـت
منهاج فيصل منهـج اللـي يعذلـون

تلفّتت روس المخاليـق ويـن انـت ؟
وين العظيم ؟ و عوّد الشوف مطعون

كم خافق(ن) وقّف عقب مـا تكفّنـت
وكم ناظر(ن) ذوّب سـواداه معـزون

لو شفت حال النـاس عقبـك تبيّنـت
مقـدار حـب النـاس للـي يـودّون

مما بقلبـي قلـت : يابـوي لاهنـت
وإلاّ انت فوق القول مهمـا يقولـون

من اروع ما قرأت في شعر الرثاء
وخالد الفيصل شاعري المفضل
منذ القدم واحفظ اغلب اشعاره

تسلم عالذوق يابودانة

شكرًا لكما

راشد - مشرفتنا سراب

شكرًا مرة أخرى هذا الإشادة والإطراء



الامير خالد أبا بندر رجل غني عن التعريف
شاعر. معاصر
رجل مثقف
أطال الله في عمره