|
اطلال
السلام عليكم شهر مبارك على الجميع / جيت المكان اللي زرعنا بـه ورود يوم المطـر هتـان والجـو رايـق يوم المواصل بيننـا حبـل ممـدود العام يـوم الحـب بالقلـب شايـق لقيت ليله يشكي فـراق وصـدود واقفيت مرغم عنه والصدر ضايـق ما ودي أبطي فيه والشوق مهـدود من خوف يسألني وأقول الحقايـق رديت بابه والشجن يعـزف النـود على أسى وجد الجـروح العمايـق وأخذت بعضي عقب ماصرت منشود صلف العتب يمكن يثيـر اللحايـق ما طبت والخطوة لها الهـم موعـود يسوقها صوب العنـى كـل سايـق يا حول " يا صبح المطر" صرت مقصود صرت العنى صرت الشقى في دقايق يا صعبها لا صرت وافـي ومجحـود مطعون في رمح ٍ من الوقت بايـق جفاك وقتك وأنت في وضع مشدود وضاقت من الحيرة عليك الطرايـق اطلال راحت وانتهت واصرم العود راحت .. وباقي حبرهـا بالوثايـق خلاص للخطوة مساحـات وحـدود خيرة وندب الحـظ ماهـو بلايـق عبدالله الحربي |
صح السانك وعلا شانك
رسم شعري انيق واشكرك بعنف |
صح لسانك ياعبدالله الحربي
قصيدة جدا رائعة |
صبح المطر صبح عسى صبحه يعود
ودي أجاااري والشهر صار عايــقق حروف راقية .. أسعدك الله ، وكل عام وانت بخير .. تحيتي |
صح لسانك صبح المطر ابيات جميله تقبل مروري
|
صح لسانك وسلم بنانك كلمات راقية برقي كاتبها لاهنت
***** تحيتي |
اقتباس:
يا هلا وغلا ذعاذيع الصباء سعدت بتواجدك ومرورك الكريم صح بدنك ودمت تسلم والله تحياتي |
اقتباس:
ياهلا وغلا بشاعرنا المتألق الركام اسعدنتي تواجدك ومرورك الكريم صح بدنك ولا هنت تحيتي |
صح لسانك لاهنت قصيده عذبه تحياتي |
| الساعة الآن 10:15 PM |
Powered by vBulletin .
جميع الحقوق محفوظة © لشبكة ومنتديات البراري 2010