|
يمر يوم وكل يوم يمر أحس أني حزين ( اهداء الى محمد المعجب )
يمر يوم وكل يوم يمر أحس أني حزين أمسي على ضيقة صدر وأصبح على ضيقة صدر قالوا الفرج عقب الصبر قلت الصبر همٍ دفين قالوا الوفي طبعه وفي قلت الزمن كله غدر قالوا الصدف قلت الصدف ماعشمت طول السنين قالوا القدر قلت القدر من اللي يردك يا قدر قالوا الامل قلت الامل مثل السراب اللي يبين قلت للعهد وانا على المطلاع وسط المنحدر قالوا تشوفه قلت اشوفه في حلوم النايمين اصحى على شوفه وانا خدران واصحى واخدر قالوا وش اللي تذكره اذا تناولك الحنين قلت التنهاته اذا طروه والدمع يحدر قالوا يخونك قلت انا ياكرهني للخاينين لو خاني ضاع الوفا في الناس الا ماندر قالوا نسيته قلت واللي لحن المسلم جبين ماانساه كود الناس تنسى الليل ومطلاع البدر قالوا كم اللي راح من عمره شقى قلت سنتين عامين وانا اغرب الخطوات والقلب يحدر قالوا الكدر ويش الكدر قلت الكدر مثل السجين ان عاش في سجنه كدر واذا طلع عاش الكدر قالوا سواتك وش يسوي قلت بين الحالتين اما توفى من غبن والا قضى عمره هدر م/ن |
أبنتظر صوت وصدى هذا الأنين
من شاعر مثل البحر لا من هدر بإنتظار صدى تلك الرائعة من الشاعر / محمد المعجب تحيتي |
يستاهل أبو خالد هذه الأبيات
صح لسانك شاعرنا ابو سعود لاهنت .. أسأل الله أن يفرج همه ويعود لنا كما عهدناه |
يستاهل ابو خالد والله انه فقيدة ومكانه محد يسده
ربي يفرج همه ويرجعه بالسلامة نكتفي باطلالته من النافذة لحين تحسن الاحوال وكل الشكر لك يابوسعود انت خير من يوفي ويقدر ربعه لاعدمنا طيبة قلبك |
يستاهل الشيخ محمد المعجب عسى ربي يسعده
أبوسعوود لاهنت يالوآفي تحياتي |
تسلم اخوي الركام لاهنت وصح السانك وبيض الله وجهك ابيات اجبرتني على الدخول وألزمتني بالرداحتراما لك وتقديرا ماكل شي يدش مزاجي بس للأمانة في الصميم ولنالقاء بأخونامحمدالمعجب قريبا ان شاء الله |
يستاهل ابو خالد كل خير
مشكور يا ابو سعود |
تسلم اخوي الركام على هذا الاهداء الجميل للاخ الغالي محمد المعجب بارك الله فيك |
اهداء يدل على الوفا لأهل الوفا ابوسعود ابيض وجه وربنا يديم المحبة والمعروف لاهنت
|
الله يعطيك العافيه أخوي غانم والحقيقة لست بشاعر ولكن محب للشعر أبو طلال :: الله لا يحرمني طيبت قلبك أختي سراب :: الله يديمك يالغاليه ويشفي لك غاليتك عنيد جهينه :: تسلم يالغالي والله يسعدك الأطلسي :: اللهم آمين يالغالي وأتشرف بزيارتك الخشيبي :: لا هنت يالغالي غيمة جده :: الله يسعدك |
| الساعة الآن 07:20 PM |
Powered by vBulletin .
جميع الحقوق محفوظة © لشبكة ومنتديات البراري 2010