|
قصيدة انا وحظي
قصيدة انا وحظي
. انا وحظي والعنا والقراده رحنا سوى والدرب قام يتلوى مشوار عمر(ن) ماوراه استفاده لكن كذا من خلقة ادم وحوى احد سهرت عينه يدور مراده واحد(ن) عيونه من منامه تروى واحد(ن) كتب له في الحياة السعاده واحد(ن) ضميره من زمانه تكوى الوقت حربه مثل حرب الاباده لاشنها برا وبحرا وجوى يسلم الجاهل زمام القياده ويمكن يسوي شي ماينتسوى واهل الوفاء والمرجله والرياده راحت عليهم في الزمان الملوى وقت(ن) صباحه يجتمع مع هجاده ولو يتروى الادمي ما تروى وحنا نتسلح بالصبر والاراده وأيامنا قامت علينا تقوى وكل(ن) على ماقيل حسب اجتهاده والعمر ينقص والليالي تطوى والله خلق كل آدمي للعباده ويوم القيامه ينشده ويش سوى . |
الله الله على الابيات الرائعة اخوي ناصر
وهالقصيدة الرائعة من ابداع الشاعر ناصر المطيري لايكون هو انت يا اخوي ناصر والا تشابه بالاسماء؟ |
صح لسانك اخوووووووووووووي و سميي ناصر
|
العبادله اضاهر انهم من مطير كان ماني واهم
|
بعد البحث اتضح لي ان هناك عبادله من مطير و عبادله من عنزة و عبادله من الأشراف و هذه معلومة جديده علي احببت ايضاحها و تصحيح ما قلته سابقا و من اي قبيله كنت فالنعم فيك اخوي و سميي ناصر و مشكور على قصيدتك الجميله
|
يعطيك الف عافيه اخي الغالي
صح لسانك ولسان الشاعر |
| الساعة الآن 11:17 PM |
Powered by vBulletin .
جميع الحقوق محفوظة © لشبكة ومنتديات البراري 2010