|
مرحبا يابن وايل
السلام عليكم واسعد الله مساءكم بكل خير هذه قصيدة إهداء لاخي العزيز / هديب الشام .. ابو خالد وهي رد لرسالته وأبياته التي تشرفت بها لكم تحياتي / مرحبا يا ابن وايل عـد وبـل الثعـول # من غشين الحيا لا من صدق وانهمـر لا سمر بارقه بالوسم من عقب حـول # وعل ذيك الديـار اللـي تسـر النظـر وصار رمان عشبه مثل لون الزلـول # كل روضـه تمايـل بالنـدى والعطـر يالسمي يا عريب الساس يا ابن الزحول # رايتك دوم بيضاء يـا طويـل العمـر أنت وافي وطيبك شامخ ٍ مـا يـزول # والقلـوب الشواهـد كانهـا تعتـبـر من دواهي عرب ما تبتحـل بالحلـول # روس قوم ٍ تسن الرأي وقت السطـر يوم ذيك السوالف يوم غبـر المحـول # نارهم في رفاع البيـد جـود وخطـر دون قصر ٍ بربعـي طيبيـن الفعـول # لابة ٍ فـي وفاهـا بالعـرب تشتهـر لابتي حرب تعـرف يـوم دق الطبـول # لا تلاقت نحور الخيـل رمـح وظفـر والحميه سجيـه والوفـاء لـه قبـول # بين الأجواد يبقـى مـع مـداد الدهـر الرسالـة عزيـزة والقوافـي قفـول # والمشاعـر سفينـه والمعانـي بحـر فز فكري وطبت وراح وقـت الخمـول # الهواجـس نديـه يـوم مـال الثمـر وانتخيت القوافي واقبلـن لـي حفـول # الشرايـد سليمـه والنـوايـا عـفـر يم عبـدالله اندبهـا ولا هـي غفـول # وسم شاعر يحكم القاف وافـي شبـر تاصله والمعـزة بيننـا فـي وصـول # مثل شرواك مالي في وجاهـه عـذر ولو نطيع الجوارح في هوانـا يطـول # شرحنـا بالقوافـي يـا رفيـع القـدر صبح المطر |
يستاهل كل خير
مشكور ابو زياد على القصيده الرائعه تسلم يمينك |
وصار رمان عشبه مثل لون الزلـول # كل روضـه تمايـل بالنـدى والعطـر جواهر ودرر ياصبح المطر قصيده من الوزن الثقيل والطيب يستاهل المدح تقبل تحيتي وتقديري |
صح لسانك
ابيات جزله من شاعر جزل يستاهل حبيبنا ابو خالد هديب الشام وألف نعم بربعي الويلان وأكرم وأنعم بحرب جيراننا ورفقانا ونعم الرفاقا ولاهو قصور بالجميع سلمت يالذيب |
الله الله صح لسانك
ماقصرت يالطيب |
اقتباس:
الله يعطيك العافيه على مرورك اخي راشد تشرفت بتواجدك وإطلاعك تحيتي |
اقتباس:
أسعدني تواجدك الكريم اخي هماليل المخيل تسلم والله على إشادتك العزيزة تحيتي |
اقتباس:
الله يحييك ويبقيك اخوي عقاب سرني تواجدك الجميل وتعليقك الراقي صح بدنك ولا هنت وبيض الله وجهك ونعم وألف نعم فيكم عز الله وافين تقبل تحيتي واحترامي |
صح لسانك يالاجودي كفيت ووفيت
لاهنت ولاصاحبك والنعم فيكم وبقبيلة حرب عموما ولاهانوا باقي القبايل قصيدة جزلة من جزل |
| الساعة الآن 06:08 PM |
Powered by vBulletin .
جميع الحقوق محفوظة © لشبكة ومنتديات البراري 2010