|
قصيده قديمه من قصائدي (غزليه)
( لاصحاب القلوب الخضراء) هذهي قصيده قديمه لي وهي غزليه في مدينه تمير وارجوا ان تعجب للجميع . يا بوي ضاقت علي ارض السعوديه والهم من زود حبه ما يخليني مضت سنين علي ما شفت وسميه والزين من عقبها ما شافته عيني أذكر زمان مضى في روحه وجيه وابكي على حالتي وأقول وش فيني أحب ذاك القمر ميه على ميه ولو زاد فيه الغلا لا شك مرضيني أشكي على حالتي من هو حواليه وأقول من شافها يسرع يناديني يا ليتني شفتها لو عقب عصريه ولا ضاق صدري تجي عندي تسليني من عقبها صرت من بين العزوبيه أقاسي ا لهم وإبكي من يداويني ما ترحمي حالتي تكفين يا بنيه وأنا صغيرٍ وعمري دون عشريني الحب قالوا ثلاث سنين وشويه وأنا ثمان مضت ما هوب نسيني كتبت فيك الشعر وأتعبت يديه وأنت بكلمه هلا ما قلتها فيني يا زين والله بنات في السعوديه جمال وأخلاق ومكملهن الديني جمالهن ما وصف في زين سوريه ولا ذكر في مصر دار المحبيني قلته وأنا عاشقٍ بنت تميميه مستورتٍ بالحياء والطيب والزيني يارب ترحمني وتصلح لي النيه وتجمع قلوبنٍ تحب من عدة سنيني |
اقتباس:
السلام عليكم // صح لسانك // وما شاء الله شاعريه متدفقه // الله وش ذا الحب كله ما تنلام إذا كانت من تميم الله يعطيك العافيه وكثرررررررررررررررر لنا منها ههههههههههه ================ |
اقتباس:
وعليكم السلام وصح بدنك يا الغالي الله الله من روس بني تميم وبيض الله وجهك يا الغـــــــــــــالي |
اقتباس:
قصيده روعه وذات مشاعر رقيقه صح لسانك اخوي اختك شذى |
اقتباس:
صح بدنك وبيض الله وجهك منوره الصفحه يا الغاليه تحياااتي |
يعطيك العااافية بو حمد على القصيدة الجميلة
يااااااازين الديررررة زينهااااااااااااا وتقبلووو مرووووري |
يا زين والله بنات في السعوديه
جمال وأخلاق ومكملهن الديني جمالهن ما وصف في زين سوريه ولا ذكر في مصر دار المحبيني صح لسانك يا ابوحمد قصيده في منتهى الروعه تقبل خالص الشكر والتقدير |
اقتباس:
شكر لك على تنوير الصفحه يا الغالي وصح بدنك |
اقتباس:
صح بدنك ويا هلا بك ومشكوره على الرد الحلو تحياااتي |
اثرك راعي هوى اخوي ابو حمد
ما شاء الله صح لسانك |
| الساعة الآن 03:25 PM |
Powered by vBulletin .
جميع الحقوق محفوظة © لشبكة ومنتديات البراري 2010