|
راجعوها معي قبل النشر
إكمالاً لهوجاستي رقم 9 جاء في بالي فكره ( قصيدتي : إطنخ هوى نفسك مكونه من 25 بيت ، لماذا لم أختار كل بيت من أبياتها مطلعا لقصيده جديده . ستكون 25 قصيده بدلاً من 25 بيتا) وبما أن العالم المتحضر هذه الأيام تذكر أمه بعد عام كامل .. فإني قررت إختيار بيتا من قصيدة إطنخ هوى نفسك ، والذي يخص الوالدين ( أبوك وامك رايهم لا تعداه) وجعله مطلعا لقصيدة جديدة ، على أمل أن يتم مراجعته وإعطاءه الضوء الأخضر من بقية الشعراء سوف أبدأ بالقصيدة على النحو التالي : أبوك وامك رايهم لا تعداه إخفظ جناح الذل قدرٍ وشيمه الوالده عرفت وش الموت معناه أوحامها والحمل وهن وعزيمه على أمل إنه يجي يوم تدرااااه وانك تنسيها الطلوق الأليمه لو كنت ما تسوى تشوفك مراياه في عينها صورتك مرره عظيمه تحملت عظك ولا قالت الأااه جرّبت تسنينك بقضع الحليمه وصارت تحقق كل شي تمناه وش تطلبه تلقاه من دون قيمه من علمك للحرف وشلون تقرااه حتى كبرت وصرت أكبر صتيمه أمه طوال الليل تسهر تحراه ياالله دخيلك عن حياة الحريمه إدخل على الله والدك لا تحداه حتى ولو عينك تشوف الظليمه فل الحجاج وحاول إنك تهدّاه واليا هدى تبشر بكل الغنيمه لا تصير مثل الغرب ضايع بمداه بعد السنه يرسل رساله حميمه الغرب قدوة مصنعه كيف سواه يعيش عمره ما يقابل رحيمه من عق شيبانه يجي يوم يلقاه ماهوعقوق إلا طراق وشتيمه تحيتي بإنتظار تعليقاتكم على القصيدة ومدى صلاحيتها للنشر . .. |
لا تصير مثل الغرب ضايع بمداه
بعد السنه يرسل رساله حميمه دائم مبدع ياضومري ماتجيب الا الجزل في وزنها جزله وجزله بمعناه ....... أعقود مرجانن جيملن نظيمه جزلن نهايتها وسطه ومبداه ........ عند العوارف له مقامن وقيمه بيوت شعرن نادره في مزاياه ........ تصوير راقي في بيوتن حكيمه |
حضورك يكفيني ..
لقد جاملتني أخي هماليل المخيل .. ارجو أن لا تنظروا إلى رده بإنتظاركم أحبتي للنقد وهل تجيزونها لدخول ملتقى الشعراء ؟ الله يستر من خالد اللهبي .. تحيتي |
ابتجرا هالمره والله يستر من هالزمان التلميذا بداء ينقد معلمه
على أمل إنه يجي يوم تدرااااه بل تدراه >>> تجزاه إدخل على الله والدك لا تحداه ...... عيب عليك وفوق ذالك جريمه |
اقتباس:
من علمك للحرف وشلون تقرااه حتى كبرت وصرت أكبر صتيمه كلمة صتيمه ما تتوافق مع التعلم من تعلم يصبح أكبر من هذا المعنى من عق شيبانه يجي يوم يلقاه ماهوعقوق إلا طراق وشتيمه لوذكرت عذاب الدنيا قبل الآخرة أوجمعة عذاب الدنيا والآخرة جميعا كان أفضل احترامي لك شاعرنا القدير دائما جزل ترى حنا من طلابك |
اقتباس:
الثانيه : ما قصدته من يقف بوجه والده ضدا وليس معه ،، أو يصل المحكمه للمطالبه بأي حقوق لا سمح الله . بالعكس لي الشرف أن أتعلم منك ومن الجميع .. فليس صحيحا من قال أكبر منك بيوم أعلم منك بسنه .. فالصغار هم المبدعون في عالم الحاسوب ، أكثر من كبار السن إنها مقارنه قديمه والحاضر أثبت عكس ذلك . تم التعديل من تدراه إلى تجزاه .. ولك جزيل الشكر لتصبح على النحو التالي أبوك وامك رايهم لا تعداه إخفظ جناح الذل قدرٍ وشيمه الوالده عرفت وش الموت معناه أوحامها والحمل وهن وعزيمه على أمل إنه يجي يوم تجزااه وانك تنسيها الطلوق الأليمه لو كنت ما تسوى تشوفك مراياه في عينها صورتك مرره عظيمه تحملت عظك ولا قالت الأااه جرّبت تسنينك بقضع الحليمه وصارت تحقق كل شي تمناه وش تطلبه تلقاه من دون قيمه من علمك للحرف وشلون تقرااه حتى كبرت وصرت أكبر صتيمه أمه طوال الليل تسهر تحراه ياالله دخيلك عن حياة الحريمه إدخل على الله والدك لا تحداه حتى ولو عينك تشوف الظليمه فل الحجاج وحاول إنك تهدّاه واليا هدى تبشر بكل الغنيمه لا تصير مثل الغرب ضايع بمداه بعد السنه يرسل رساله حميمه الغرب قدوة مصنعه كيف سواه يعيش عمره ما يقابل رحيمه من عق شيبانه يجي يوم يلقاه ماهوعقوق إلا طراق وشتيمه تحيتي |
حياك أخوي عبدالمحسن :
اقتباس:
أجمل تحياتي وتقديري |
لو كنت ما تسوى تشوفك مراياه
في عينها صورتك مرره عظيمه هذا البيت وخصوصاً تشوفك مراياه أحس انه غير متجانس لغوياً لأن تشوفك مراياه لها صفة الجمع وكذا لها معاني كمثل الموآربه او رياء وجهة نظر مع انني لست ضليعاً في هذا الخصوص ولو أنني أجزم أنك ستقبل تطفلي لما تجرأة على نقد فطحل نتعلم الشىء الكثير منه وهذا ليس تزلفاً مني تقبل خالص مودتي واحترامي |
اقتباس:
أم لهجتنا فإن ما كتبته يعني المفرد . شكرا لمرورك الثري |
صباح الورد شايبنا
ابي اتفلسف شوي عليك اسمحلي وقد اكون مصيب ١) في عينها صورتك مرره عظيمه لو استبدلت مررره بدايم ( في عينها صورتك دايم عظيمه ) او ماشابه ٢) فل الحجاج وحاول إنك تهدّاه تهداه اجبرتك القافيه ام مصطلح من اللهجه لم يوضح لي وان كنت تقصد تهديه فلا اراها اوصلت المعنى تهداه كم يجب ٣) جرّبت تسنينك بقضع الحليمه الحليمه هل تقصد الحلمه ام لها معنى اخر لم تكون واضحه لي وقد تكون كسابقتها ضرورة شعريه ٤ ) الوالده عرفت وش الموت معناه وش الموت معناه لم تروق لي فانت هنا تهدف لقول عرفت كيف الموت وبعدها اتيت بمعناه مادري بس مافهمتها ................................. النصوص الاجتماعية في العادة لاتحمل الكثير من الابداع ولا تحتمل الكثير من الصور ولكن هنا كانت القصيده جميله وان كنت اعرف ان غانم يكتب الاجمل |
| الساعة الآن 02:58 AM |
Powered by vBulletin .
جميع الحقوق محفوظة © لشبكة ومنتديات البراري 2010