|
إطنــخ هــوى نـفســـك !! ؟ !!
مني لكم أحبتي أرجوك خطي يافتى الجود تقراه إن كان تبغى المصلحه والغنيمه كل البيـــوت اللي نحتـنا منقّـــاه أخوك غانم ينصحك من صميمه من لا حفظ دينه وعرضه ودنياه هذاك مخه مثل مخ البهيمـــــه اغنم من الحاضر على ما تمنــاه من دون لا تاصل حدود الجريمه الحـد حــد ولا تفكــر تخطــــــاه وما دون حد الحد ربك رحيمه اللــي مع المعبود لا بد يحمـــااه يعيش طول العمر ما احدٍ يضيمه واللي مــع الشيطان تكثر خطاياه خسران من يجعل عدوه نديمــه دامه عدوك ليش تمشي بممشاه أبعد عنه دام العواقب سليمــــه الله خلقك من العدم كيف تعصاه لولا الولي ماصار لك أي قيمه عليك باللي لااذن الفرض لبّـــاه وعليك باللي ســيرته مستقيمــه لا تقرب الكذاب حاول تلافــاه وابعد عن النقاق راع النميميه اماالبخيل أصحى تمره وتنصاه إرفع مقامك لا تشوف الحريمــه وعليك باللي لا لفى الضيف حياه راع الكرم والجود ربك يديمه الله على اللي لا ملك مال زكاه كسبان من يمسح دموع اليتيمه وخسران من ماله إلى النار وداه بالدرك الاسفل يحترق في جحيمه كم واحدٍ وقت الغضب ضاع مبداه ترى الشجاعه بالقلوب الحليمـــه حســن التعامل فن حاول تحـلاااه وابعد عن أهل الغطرسه والشتيمه من يعمل المعروف لابــد يلقاه إلا الذي يفســد جميلـــه كليمـه أبوك وامك رايهم لا تعـــــداه إخفض جناح الذل قدرٍ وشيمه في ما ملكت أكرم وحذرا تحداه الله يحب أهل القلوب الرحيمه ما بالتعصب غير كثــر المعاناه وما بالتطرف غير زود الهزيمه اللي مضى من عمرالانسان ينساه ومســتقـبــل الايــام ربك عليمــــه إحذف من الماضي همومه وذكراه إنسى المأسي والجروح الأليمه إطنخ هوى نفسك على كيف مشهاه بكره يصير اليوم ذكرى قديمـــه والحمـــد للي ما تعـدد ثنايــــاه الله ولا غيره نعيــــش بنعيمــه .. تحيتي غانم الضومري |
والحمـــد للي ما تعـدد ثنايــــاه
الله ولا غيره نعيــــش بنعيمــه صدقت يالضومري وصح لسانك انشهد انك شاعر يشاير اليك بالبنان . نصيحه قيمه ملئه بالمواعظ والحكم والاسلوب المتميز |
مساء الخير
يعطيك الف عافيه على القصيده الرائعه صح لسانك اخي الغالي تقبل مروري |
اقتباس:
هماليل المخيل : حضور ثري ومبكر تشكر عليه أثابك الله تحيتي |
اخوي غانم قصيده جميله تستحق عليها الشكر
|
الله خلقك من العدم كيف تعصاه
لولا الولي ماصار لك أي قيمه .. الله الله صح لسانك أخوي غانم . قصيده رائعه بكل ماتعنيه الكلمه فيها نصائح مهمه في حياة المسلم . ربي يوفقك ويرفع قدرك ولا تقطعنا من قصايدك الرائعه . أسمح لي اخوي غانم أبحطها بالملاحظات .. وصح لسانك ثانيه . |
صح لسانك ياغانم الضومري رائعة جدا
وشكرا لك على هذه النصيحة القيمة |
وعند البخيل إصحى تنوخ مطاياك
إرفع مقامك لا تشوف الحريمــه رآآآآئـع رآآآآئـع رآآآئـع ياأخي غـانم وصـح الله ألساااانك واعتلى شاااانك نصائح قيمـة لله درك فأنت مكسب للبراري فهنيئاً للبراري بك وبانتظار قصائدك فلاتحرمنا من الأبداع المميز تحياتي لك وجزيل احترااامي لاعدمتك |
كم واحدٍ وقت الغضب ضاع مبداه
ترى الشجاعه بالقلوب الحليمـــه حســن التعامل فن حاول تحـلاااه وابعد عن أهل الغطرسه والشتيمه أبوك وامك رايهم لا تعـــــداه إخفض جناح الذل قدرٍ وشيمه في ما ملكت أكرم وحذرا تحداه الله يحب أهل القلوب الرحيمه صح لسانك ياغانم الضومري وعلا شانك وسلم بنانك تميز بلاحدود إبداع لحد الإشباع ومافيك حيلة يسلم بوحك وكلك لاهنت |
صح لسانك اخوي غانم نصايح تكتب بماء الذهب لاعدمناك يابو سامي وبأنتظار جديدك القصيده جميله ورائعه تقبل مروري ابو ناصر الشريف |
| الساعة الآن 02:07 AM |
Powered by vBulletin .
جميع الحقوق محفوظة © لشبكة ومنتديات البراري 2010