البكيرية& العظيم &الجفر (النفود الكبير) &الحسكي & الصمان من شرق & الرحبة وجراب
 

[CENTER]السلام عليكم ورحمة الله وبركاته
اسعد الله اوقاتكم بالطاعات والمسرات وبكل الخيرات
رحلة ناجحه بكل التفاصيل
واهم مافيها الخوة الطيبه ساري 15 وابو ناصر عينين براس
لن اطيل احبتي احاول اقسم لكم الرحلة وكل جزء له شرح خاص مع مجموعة صور
الانطلاقة كانت من البكيريه باتجاه الجفر شمال حائل وكان القصد عسة النفود الكبير اذا كان ممطور ولا لا وزيارة صديق سوداني راعي ابل بعد الجفر (عبدالكريم ) ونوينا نقذه ومالله كتب :new12:
بالطريق من الله علينا بهطول امطار متوسطه ومحدوده بالقرب من العظيم وكان النشوء طيب حيل ولكم كم صورة حول العظيم
[IMG]https://up.albrari.com/uploads/13282944371.jpg[/IMG]

[IMG]https://up.albrari.com/uploads/13282944372.jpg[/IMG]
وصلنا النفود بعد مغيب الشمس وكان الجو مغبر شوي ولله الحمد صفا الجو بعد العشاء
وهذا مكان النومه مع التصبيحه الجميل لاشراقة يوم جميل
[IMG]https://up.albrari.com/uploads/13282944373.jpg[/IMG]
[IMG]https://up.albrari.com/uploads/13282944374.jpg[/IMG]
يوم افطرنا شدينا الرحال وبعد مادخلنا حائل وقفنا في احد المحطات القريبه من جامعة حائل وكان فيها مسجد اعجبنا تصميمه واخذت له هالصورة
[IMG]https://up.albrari.com/uploads/13282944375.jpg[/IMG]
بعده توجهنا لشعيب الحسكي مرورا بمحافظة بقعاء وبعدها تربة واتجهنا للشعيب عن طريق الزبيره وكانت المفاجأة لقينا الشعيب ممطور مطر طيب وتجريح السيل معلم حيل ولكم كم صوره من شعيب الحسكي وتمسكوا زين
[IMG]https://up.albrari.com/uploads/13282944376.jpg[/IMG]

[IMG]https://up.albrari.com/uploads/13282944377.jpg[/IMG]

[IMG]https://up.albrari.com/uploads/13282944378.jpg[/IMG]

[IMG]https://up.albrari.com/uploads/13282944379.jpg[/IMG]

[IMG]https://up.albrari.com/uploads/132829443710.jpg[/IMG]

هاذي للتوثيق
[IMG]https://up.albrari.com/uploads/132829443712.jpg[/IMG]

بعدها شدينا الحيل عن طريق الردميه الي قبل محطة الشرق الاوسط بطريق لينة ساموده ومن يوم تعدينا الحسكي لين غابت علينا الشمس قريب من ام عشر مافقدنا الغدران بالخط بعدها توجهنا للصمان الشرقيه
وكانت هالقطه لاحد الفياض ولا الصمان يبي لها موضوع لحالها

[IMG]https://up.albrari.com/uploads/132829443711.jpg[/IMG]
المهم امرحنا لليلة الجمعه باحد الفياض ويوم اصبحنا اخذنا جوله بالفياض الي حولنا وكانت الارض ممطوره مطر طيب وكانت اطيب شي جهة ام رقيبه ونفود ام الجماجم
بعدها توجهنا لفيضة الرحبه وشعيب جراب ولكم هالكم صوره
[IMG]https://up.albrari.com/uploads/132829443713.jpg[/IMG]

[IMG]https://up.albrari.com/uploads/132829443714.jpg[/IMG]

[IMG]https://up.albrari.com/uploads/132829443715.jpg[/IMG]

[IMG]https://up.albrari.com/uploads/132829443716.jpg[/IMG]

وبعدها عدنا ادرجنا عن طريق حبيبتنا الزلفي وكانت لنا وقفه واخذت كم لقطه على السريع لنفود الزلفي
[IMG]https://up.albrari.com/uploads/13282967161.jpg[/IMG]

[IMG]https://up.albrari.com/uploads/13282967162.jpg[/IMG]
https://up.albrari.com/uploads/13282967163.jpg

وفي سريع الرياض القصيم شدني منظر الخزامى اااااخ يالريحه الي تفتح النفس
[IMG]https://up.albrari.com/uploads/13282967164.jpg[/IMG]

وهاذي اهداء لكل من مر على الموضوع
[IMG]https://up.albrari.com/uploads/13282967165.jpg[/IMG]
واسف على الاطاله واتمنى يلاقي استحسانكم وياليت تقيم يعطي دافع لا هنتو
وفي الختام الله يعم الخير على بلدنا الطاهر وعلى سائر بلاد المسلمين
ولا انسى اعضاء الرحلة
ساري 15
[IMG]https://up.albrari.com/uploads/13282967166.jpg[/IMG]
ابو ناصر
[IMG]https://up.albrari.com/uploads/13282967167.jpg[/IMG]
محبكم بن غضيان
[url=https://up.albrari.com/]https://up.albrari.com/uploads/13282973331.jpg[/ur[/CENTER]l]

يعطيك ألف عافية أخي بن غضيان أنت ومرافقيك
تقريرك أكثر من رائع
أسأل المولى الكريم أن يجزل لك الأجر ويكتب ذلك في ميزان حسناتك
وأسأل الله تعالى أن يسعدك كما أسعتنا بهذه الصور الطيبة
وجزاك الله ألف خير

تقرير مميز = يازين البر و الربيع

ردودكم وسام والبراري تستاهل منا اكثر نسأل الحي القيوم يديم علينا النعم ويرزقنا شكره ويتبع للخير ويتمم للربيع اللهم يارب

مقبوله الهديه ومشكور عليها وتقرير طيب الله يعطيك العافيه وعطيتنا اخبار المطر وهذا اهم شي
تقبل تحياتي

بيض الله وجهك على التغطيه الرائعة
والله يجزاك عنا خير الجزاء

مشاء الله تبارك الله
تقرير رائع بارك الله
فيك ولاتحرمنا من
تقاريرك المميزة
تحياتي
لك