بسم الله الرحمن الرحيم

هذي أول مشاركة لي في منتدى الطبخ

أتمنى تنال رضاكم

اليوم الإثنين 22/2/1433 ، ما هنا دوام صدق

ولا نقدر نكشت // العيال عندهم اختبارات

قلن نكشت بالمطبخ

ونجرب هالطبخة اللي كنها مندي بس مطور

نبدأ على بركة الله

1
https://up.albrari.com/uploads/13267050951.jpg
تتبيل الدجاج بزيت الزيتون والملح وبعض البهارات المطحونة + رشة خل
ونتركه يتخلل

2
https://up.albrari.com/uploads/13267050952.jpg
على بال ما يتخلل ( نكشن ) للرز ببصيلات وقطعة صغيرة من الزنجبيل + حبة مجنونة + ملح وكمون

3
https://up.albrari.com/uploads/13267050953.jpg
نحضر قدر الكاتم الكبير ( 20 لتر ) أو حوله ، ونضع في قعره يعني قاعته رمل نظيف

4
https://up.albrari.com/uploads/13267050954.jpg
نكب الرز يعني نضعه مع الكشنة والماء الحار
ونضيف عليه بهارات خشنة فقط وهي :
هيل + قرنفل ( أي مسمار بدون صواميل ) + عودين دارسين

5
https://up.albrari.com/uploads/13267050955.jpg
نسلقط يعني نضع القدر الصغير في بطن الدبي ( الكاتم )

6
https://up.albrari.com/uploads/13267050956.jpg
ثم نصف هالعويدات بهالشكل
لازم تسذا ولا تخرب الطبخة

7
https://up.albrari.com/uploads/13267050957.jpg
نصفصف اللحيمة والخضروات حسب الرغبة

8
https://up.albrari.com/uploads/13267050958.jpg
نكتم الكاتم كتما متكاتما

9
https://up.albrari.com/uploads/13267050959.jpg
نحسب له ربع ساعة أو خمسة عشرة دقيقة أو ساعة إلا ثلاثة أرباع

ثم نقصر عليه النار بالحيل
يعني نار هادئة جدا
ونحسب له من ساعة إلى ساعة وربع

وهالحين أبصلي
وبعد ما يخلص الوقت أخبركم شو صار

وبعــــد مرور خمـــــس ســــاعــــــات



آســــــــــــــــفين يا الربع

صار خلل طارئ ... حيث راحت علي نومة

وأول العصر رحت أطلع الجيب ( الأخيضر )

من المستشفي ( موجعه بطنه من كثر ما يأكل

من مطاريسي ... قصدي طبخاتي )

المهم

هذي باقي الصور

https://up.albrari.com/uploads/13267230361.jpg
هنا فتحنا القدر بعد ساعة وخمسطعش دقيقة و59 ثانية وأربعة أعشار الثانية

https://up.albrari.com/uploads/13267230362.jpg
ثم رفعنا الطبقة العليا

ووضعناها بصحن ثان
ويمكن وضعها في غطاء القدر مقلوبا ( كالعادة )
https://up.albrari.com/uploads/13267230363.jpg
بعدها نزيل العيدان ... الأعواد ... العوادين
برفققققققققققققق

https://up.albrari.com/uploads/13267230364.jpg
وأخيرا ... هذه لقطة الختام
وبعدها
لا تسأل يا صاح ماالذي حصل
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وبالهناء والعافية

...........................

إممممممم
سعابيلي سالت بصراحه شكلها بتطلع ولاأحلى..
لكن إيش يعني
حبه مجنونه؟.
وبالعافيه عليكم يازين الرجال لمن يساعد و يطبخ عن أم عياله.‎

المشاركة الأصلية كتبت بواسطة طيف الغروب (المشاركة 1574268) إممممممم سعابيلي سالت بصراحه شكلها بتطلع ولاأحلى.. لكن إيش يعني حبه مجنونه؟. وبالعافيه عليكم يازين الرجال لمن يساعد و يطبخ عن أم عياله.‎ ‎

المشاركة الأصلية كتبت بواسطة طيف الغروب (المشاركة 1574268) إممممممم سعابيلي سالت بصراحه شكلها بتطلع ولاأحلى.. لكن إيش يعني حبه مجنونه؟. وبالعافيه عليكم يازين الرجال لمن يساعد و يطبخ عن أم عياله.‎ ‎