الخميس 18/2/1433هـ الفطور بالخفس والنثرية بروضة نورة وبالنفود قرص الملة .:. سال السيل .:.
 

بسم الله الرحمن الرحيم

حياكم الله..

هذي كشتة الخميس الماضي 18/2/1433هـ من الفجر طلعنا ووجهنا لروضة الخفس..
وبدينا بموية خفس بنبان واللي سبق كتب عنه تقرير في هالرابط:
روضة الخفس وموية خفس بنبان الخميس والجمعة 11-12/2/1433 صور متعددة .:. سال السيل .:.
https://www.albrari.com/vb/showthread...26#post1569126

وحول الماء لقينا منطقة به ربيع طيب فجلسنا فيها وتقهوينا وضبطنا الفطور..

وهذي صورة للربيع عند موية خفس بنبان..

وهذا المكان اللي أفطرنا فيه..

وبيالة الشاهي بعد القهوة..
استعدادا للفطور..

بدأ الربع النشامى بإعداد الفطور..
واستلم الغالي أبو إبراهيم مقلقل الحاشي على الصاجة الطيبة..
و لابد من تكثير البصل..

الطماط والحبحر جاهز..

وهذي التونة من إيدين الشيف أبوخالد الله يبيض وجهه..

كم صورة للكشاتة حولنا والموقع على بال ما يجهز الفطور..

الربع شادين حيلهم بالفطور..
وأبوعمار وابونواف بالطريق..

المقلقل شبه جاهز..
عجلوا بالنواشف يالربع..

وصول اثنين من الربع ..
شكلهم شامين ريحة المقلقل ما شاء لله تبارك الله..

الفطور جاهز لكن المقلقل مفقود من السفرة!!!

وهنا السفرة بحضور المقلقل..
لكن اختفت التونة وانمسحت من الوجود بعد المقلقل..

صورة للمكان قبل الوداع..
وقبل الانطلاق لروضة نورة..

وهذي كم صورة لروضة نورة..

وطباخنا اليوم ملزم يكون غدانا مطبوخ على النار..
اللحمة تم طبخها بالكاتم والرز على النار..

الغداء جاهز تفضلوااااااااا..

بعد الغداء انطلقنا للنفود حيث كان الغالي أبوصالح بانتظارنا..
وأبوسعد مستعد لقرص الملة وبيض الله وجهه على عادته بضبط القرص..
القرص الآن بآخر مراحل إعداده..

اللآن جاهز والضو مجمرة..

بعد وضع القرص بالملة وتغطيته بالتراب والجمر..
ينتظر مدة ساعة أو ساعة إلا ربع..

القرص جاهز وباقي بس تقطيعه ووضع السمن البري والسكر..

ويكتمل القرص بالحليبة..

وكان القرص مع الحليب هو عشانا..
وبه اختتم كشتتنا..
وشكرا لمتابعتكم وتشريفكم..

ربيع طيب الله يتبعة بسيل طيب
بارك الله فيك اخوي على المجهود

جزاك الله خير على هذا التقرير - تحياتي

سلمت الله يعطيك العافيه
،،،،،،،،،،،،،،،،،،،،

ماشاء الله تبارك الله رحلة مميزة ورائعة ..

الله يهنيكم ويوسع صدوركم بالعافية
..

ألف شكر على التقرير الرائع
تقبل مروري ولك تحياتي

ماشاء الله

رحلة موفقه يالغالي

شكرا لك