|
ஐ◄ابني ولغزة ...ومنكم الحل Abu Sultan ◄ஐ
السلام عليكم ورحمة الله وبركاته يأخوان انا جايكم وابي الفزعه في حل لغز ان امكن وانا أنتظر الأجابه منكم. الله يسلمكم جاني ولدي الصغير اللي مسبب لي صداع في البيت وجايب لي الضغط والسكر وكل انواع التوتر ولا ازيدكم من الشعر بيت، مسميه الذيب على ويش مادري!! المهم قال يابتاه (حلوه يابتاه ) فكرك هاليومين ماهو معنا مع اللي ماخذك منا (قصده الصيد والمقانيص) لكن ودي اختبرك بلغز صغنون يوم انك اليوم صافي الذهن واشوف عن معلوماتك العامة كيف هي. وانا اشمر عن ذراعي ورديت:هات ماعندك يالهيس الأربد مابقى الا انت يالزعبوط تختبرني... قال: انشدك عن شي تشيله على شان تحطه وتحطه على شان تشيله وفي آخر المطاف ماعاد حط؟ واقلب رأسي ويوم اني ضعت قلت مالي الا الله ثم أنتم في انتظار الجواب على شان اكسر راسه اخوكم/ ابو سلطان - |
وعليكم السلام ورحمة الله وبركاته
الله يحفظه ويصلحه بإذن الله وابشر ماراح نقصر معك .. وننتظر الخبراء في هذا المجال .. |
الله يحفظه لك ويصلحه
أتوقع القدمين والله أعلم عند المشي اتمنى تكون الإجابه صحيحة وأسأل "الــذيـب" |
وعليكم السلام ورحمة الله وبركاته
بيني وبينك يفتر بالمخ :a_think: يفيدونك باذن الله |
الله يعطيك العافيه
أخي العزيز أبو سلطان الله يصلح لك نيتك وذريتك الأولاد دائماً لديهم أسئله كثيرة وغريبه لكن من كثر تعلق قلبك بالمقناص لا يصير اللغز من شخص ثاني وعلى لسان الولد ( هههههه ) أفهمها والشباب ماهم مقصرين بالحل دمت بود |
الله يحفظه ويصلحه
لغز صعب على بالي لغز اطفال ذكرتني بلغز اخوي يقول طير مايطير ويبدا اسمه بحرف الباء قلت سهله بطريييق قال لا وماخليت اسم طير ماقلته واخرتها طلع الجواب . . . . برووووووست :p (19):اكيد كان جوعان و ان شاء الله يفيدونك دمت بسعاده |
يعطيك العافيه يا الغالي
|
اقتباس:
جزاك الله خير اقتباس:
جزاكِ الله خير يالغاليه محاولة جيدة. رحت لولدي اعدي وقلت له الحل كذا او كذا... ورد علي بلا... الولد هذا مطلع الشيب في راسي حتى مايعرف يرد علي بلباقة يقول لي لا لا لا لا،،، اقتباس:
حياك الله اخوي محمد اقتباس:
هلا وغلا بأخي محمد المعجب راح فكرك بعيد.... هههههههههه انتظر الحل طال عمرك اقتباس:
هلا بأختي غرتني الدنيا وجزاكِ الله خير على دعواتك الطيبة والظاهر ولدي ماهو بعيد عن أخوكِ انتظري الحل تحت اقتباس:
الله يعافيك يالغالي - جتني رساله على الخاص من شخص اعطاني محاولته لفك اللغز وضحكت من محاولته.... فيما انا احاول الرد عليه واذا ابو الفنايع مار(ن) علي قلت له الحل كيت وكيت وهو يبحلق عيونه فيني... والله وجبته ... يرد علي بتعجب قلت له من صدقك انت وجهك هذا هو الحل؟ قال اينعم قلت له فشلتني قدام الربع اللي في البراري. رد علي ببرود: من قال لك انشدهم. وش اسوي فيه اتوطى في بطنه؟؟؟ الحل .... هو مدرب المنتخب السعودي الأستاذ ناصر الجوهر واللي حل اللغز بالخاص اول حرف من اسمة: - - - مشرفتنا اميرة البراري مشكورة أختي الكريمة والشكر موصول لكم جميعاً من شارك او من تصفح تحياتي لكم - |
| الساعة الآن 02:30 PM |
Powered by vBulletin .
جميع الحقوق محفوظة © لشبكة ومنتديات البراري 2010