|
مطلوب خبير طبخ
00
0 مرحبا ياجماعه لا تضحكون علي ترى انا ولد مدن وما اعرف البر الا عصريات او مسيان بعد اذا خفت الشمس لاني مااتحمل الشمس يقولون انها تسمر البشره المهم رحت مره مع بعض الشباب - ابو محمد والصلبوخي - ماني معلم منهم لانهم قايلين لا تعلم المهم ابو محمد ماشاء الله تبارك الله ضبط كبسة ما ذقت مثلها ابد ولا الرجال الثاني الله يابراد شاهي سواه ماادري وشلون يسوون ماشاء الله تبارك الله اللي قهرني انهم ماطاعو ياخذون من عزبتي شي يعني بقيت جديده الى الان وكل ماقلت افزع قالو استرح عليك تغسيل المواعين وبيني وبينكم استحيت اقول ابي اتعلم اطبخ واتعلم اصلح قهوه وشاهي المهم جا تغسيل المواعين وانا مرتبك جيت اخذ البيالات اغسلها طاح السطل وتكسرت بعض البيالات جا ابو محمد وحلف علي انه يكمل تغسيل المواعين انا الصراحه طاح وجهي وقررت اتعلم الطبخ والنفخ واصير مثلهم الحين مطلوب معلم طبخ بالشروط التاليه : - يجيب لحمته ويجيب الرز والبصل وكل شي لاني مااعرف اشتري - يمر علي في بيتنا وياخذني معه - الطلعه من مسيان الى تسع بالليل لان اهلي يزلجون الباب عني اذا تأخرت - يتولى الطبخ وتغسيل المواعين وانا اطالع حتى اتعلم وما انحرج - يلتزم بالطلعات بالشروط اعلاه اكثر من خمس مرات حتى استوعب الطبخ من يرى في نفسه الكفاءه يرسل ملفه لنائب المراقب العام - عاشق البران والله ولي التوفيق دمتم بخير .. . |
هلا اخوي نهام .... صبحك الله بالخير ...
انت ما تعرف تطبخ . مو معقوله ... ودي اصدق لكن قوية ............. |
اقتباس:
اقتباس:
اقتباس:
================ ليه ما نضحك بل قول متنا من الضحك :22: :22: /// الشرهى على ابو ناصر ما علمك كيف تطبخ وتسنع حالك /// يبيلك مدرس خصوصي :biggrin: :biggrin: سلااااااااااااااام =============== |
مرحبا nas
احم احم ---- الشرط اربعون |
اخوي مراسل جده
يااخوي مااعرف اطبخ الشكوى لله والله يجيب المعلم اللي تتوفر فيه الشروط |
انا اشهد ان تعلم الطبخ ضروري ولا بد منه
|
سو مثلي
اكشت لحالك واطبخ ولا يعذرب احد ولا شي |
كلام مطرب صحيح وانا تعلمت كذا وافتكيت من ضحك الشباب علي
|
هههههههههههههههههههههههههههههههه
ااااااااه يابطني حسبي الله على شيطانك وش هالشروط خاصة الشرط الاول عز الله تبي تتعلم من جد |
كلام سليم وسجلني معك طالب
|
| الساعة الآن 06:47 AM |
Powered by vBulletin .
جميع الحقوق محفوظة © لشبكة ومنتديات البراري 2010