|
شبل الكرم والمعالي.......
شبل الكرم والمعالي المناسبه: هذه القصيده اهداء للمقدم / محمد بن علي السديري (القحطاني) والذي كان له الفضل بعد الله في السعي لحل مسأله معقده جدا حيث قدم اجازه للتفرغ لهذه المسأله وفعلا استطاع حلها في آخر ثانيه من الوقت الضائع . آمل ان تنال استحسانكم ,,,,,, يالله طلبتك والي العـرش والبـيــــت = يامحـيـي العود الهـشـيم الـوبـالــــي انت الذي اضحكت وانت اللي ابكيت = يالله طـلبتك ياعـزيز الجــلالــــــــــي تفزع لفزاعٍ فـزع يوم ناديــــــــــــت = لبَى الندا شبل الكرم والمـعـالــــــــي يوم انها ضاقت علي وتـوذيـــــــــت = وصارت بعيني كبر خرم الخـلالــــي واسودت الدنيا بعيني وصديـــــــــت = خـوفٍ من العـذال تـَشعـر بحـالـــــي وقـمت اتحرى عن ربوعي ونقـيــت = حـرٍ مـقـره في سما المـجـد عـالـــي نصيت من فيه المراجل توخيـــــــت = اللي على الفزعات مثل الهــلالـــي* لقيت ابوفيصل على ماتمنيـــــــــــت = مثل القمر في مظلمات الليـالــــــــي شرحت له همٍ عنا لي وعـديــــــــــت = من بعد ماقال ابشر ولاتبـالــــــــــي واقسم بربه لفزع بكل ماوتيـــــــــت = والله ماذخر عنك حالي ومـالــــــــي ويوم استبد الياس فيني ومليـــــــت = والوقت داهمني وضاق المجـالـــــي حتى الآمل اصبح طريحٍ تقل مـيـــت = والياس عدى فوق روس الجـبالـــي رن المسره وسط جيبي ورديـــــــت = وسمعت صوتٍ للسديري يلالــــــــي قال احمد الله كل ماصبحت وامسيت = تسهلت قبل انقطاع الحبالـــــــــــــي لاتحسب اني يالعريفي تخـليـــــــــت = نخيت لجلك أخوتي مع خـوالــــــــي والعذر واضح كانني عـنك ابطيــــت = بطى مـسـيل الـسـيل كـبر المـسالــي كفيت ياولد السديري ووفـيــــــــــت = وفـيت في قـولك بصـدق الفـعـالــــي عزالله انك هـقـوتي لتهـقـويـــــــــت = ماخيب الهقـوات ذيب المـفالـــــــــي ادعي لك الله كل ماقـبلت واقـفـيـــت = عـساه يغـفـر ذنبك اول وتـالـــــــــي وعـساه يجـبر عـثرتك لتعـثـريـــــت = ويحـميك من شـر الحـسود الموالـي وعـسى السعـد لك دايمٍ وين لـديـت = وعسى ضميرك من غثا الوقت خالي تلقى الفـرج بالدرب من وين لقـيـت = شرقٍ وغـربٍ مع جـنوب وشـمالــي احمد بن عبدالرحمن العريفي (نديم المجره) *ابوزيد الهلالي |
صح لسانك يا نديم المجرة
|
قصيدة جزله يستاهلها القحطاني
وأنت ماقصرت وفيت معه اللهم أدم المعروف ودي وأحترامــــــي لك يا شاعر البراري |
صح لسانك يالغالي تحياتي لك |
صح لسانك أخوي نديم وسلمت يمينك
حديث الرسول صلى الله عليه وسلم فيما معناه ((من فرج عن مسلم كربة من كرب الدنيا فرج الله عنه كربة من كرب يوم القيامه)) يستاهل أبو قحط ويستاهلون الرجال الصناديد ادعي لك الله كل ماقـبلت واقـفـيـــت = عـساه يغـفـر ذنبك اول وتـالـــــــــي وعـساه يجـبر عـثرتك لتعـثـريـــــت = ويحـميك من شـر الحـسود الموالـي وعـسى السعـد لك دايمٍ وين لـديـت = وعسى ضميرك من غثا الوقت خالي تلقى الفـرج بالدرب من وين لقـيـت = شرقٍ وغـربٍ مع جـنوب وشـمالــي |
اعزائي شرفني مروركم واسعدني ثنائكم الله يسعدكم تحياتي |
صح لسانك اخوي احمد وبيض الله وجهك على هالرائعه ويستاهل صبي قحطان كل هذا المدح وازود الله يديم المعروف بينكم واسمح لي ان نسميك شاعر البراري كما قال اخوي محمد المعجب نتمنى لك التوفيق وبأنتظار جديدك تقبل مروري ابو ناصر الشريف |
والله ونعم مليون
وصح لسانك مليووون ولا يسدوووون قصيدة قمّة سبك وحبك ومضمون وايقاع عالي المستوى يعطيك العافية لاهنت يالذيب وفيت وكفيت دمت بخير |
تستاهل الفزع ويستاهل المدح صح لسانك قصيدة جزلة وافيه |
نديم المجره
صــح لسانـك شاعر جزل كما أعتدنا منك يستاهل الممدوح |
| الساعة الآن 10:00 PM |
Powered by vBulletin .
جميع الحقوق محفوظة © لشبكة ومنتديات البراري 2010