شبكة البراري - المضغوط ... من مطبخي .. الجوعان لايدخل

المضغوط

https://up.albrari.com/uploads/13162226951.jpg

هذي من أكلات أهل الجنوب بس اسويها بطريقتي وطبعا هالاكلة تنعمل بقدر الضغط

المكونات

- دجاجة مقطعة 4 قطع
- بصل مكعبات تقريبا كوب
- فصين ثوم
- بهارات ( زنجبيل ناعم -هيل ناعم -4 حبات قرنفل - عود دارسين - لوميتين اسود - بزار اصفر او كركم - مكعبين ماجي)
-حسب الذوق واذا حابين تنوعون بين كل مرة والثانية ممكن نضيف نص حبة فلفل بارد وحبة طماطم صغيرة

-رز افضل البسمتي منقوع لمدة نصف ساعة

- واللي يحبون يحطون شعيرية رز حسب الذوق

- بصل شرائح

الطريقة

- بقدر الضغط نحط كمية زيت نقلي فيها الدجاج لين يتشقر ونصفيه تمام من الزيت زنحط شوية زيت نظيف

- نحط البصل المكعبات والثوم وكل البهارات اللي ذكرتها مع الماجي وشوية ملح

- نغطي القدر بس ما نقفله لين يتشرب الدجاج البهارات نقلبه تمام

- بعد ما يتشرب الدجاج البهارات ويبلش ينشف
نحط ماء مغلي لين يغطي الدجاجة ونحط الرز المنقوع بعد ما نصفيه من الماء والشعيرية معاه
نحركه بسيط جدا ونغطي القدر ونقفله تماااااام

- نخلي القدر على نار عالية لمدة 5- 7 دقايق
ثم نخفض النار ونتركه تقريبا نص ساعة على نار هادية

- بهذا الوقت نحط البصل الشرائح بمقلاة وزيت غزير لين يغطي البصل ونخليه لين يذبل مو يتحمر بس يذبل ونصفيه من الزيت ونرجع نحطه على نار هادية مع التقليب المستمر لين يتشقر ويصير زي بصل الكشري

- نطفي النار ونرفع غطاء البخار لين يتصفى البخار ونفتح القدر بالراحة

- نغرف لاكل بصحن التقديم ونزينه بالبصل الشرائح واذا شوية كرفس وليمون علشان ما يزعل الصحن

- اذا تحبون تاكلون مع المضغوط سلطة مطحونة هذي طريقتها

# نحط بالخلاط بدون ماء كل من
-حبتين طماطم مقطعة
-فص صغير ثوم
-حبة صغيرة فلفل بارد
- فلفل اخضر حار حسب الذوق
-شوية زيت زيتون
-ملح
نضربهم بالخلاط لين ينطحنوا تمام ونخليهم بالثلاجة لحين التقديم

وهذي صورة الطبخة مع السلطة

https://up.albrari.com/uploads/13162226952.jpg

مطرح مايسري يمري