شبكة البراري - ياعاذلين القلب..

السلام عليكم ورحمة الله وبركاتة
قصيدة من ابداع الشاعر محمد الاحمد السديري(رحمه الله)
https://www.sha3er.tv/uploads/b/badr/656.jpg

يــاعــاذلـيـن الــقـلـب لاتـمـحـنـونه
خلـو عـصـي الــراي يـاصـل مناهـيـه
بــالـعــذل يــا لعـذال لا تجرحــونه
اخاف من نصح عن الرشـد يعميـه
الـقـلب مـايرضـى انـكـم تنـصـحـونـه
لا تنصحــون القلب عن حــب غالــيـه
حـــــب الــمــودة صـايـبـه تـجـهـلونـه
مـامـنـكـم الــلــي ذاق مــره وحـالـيــه
اللــي يــــود الــقـلـب مـاتـفـهـمـونـه
وجــرح الـمـودة مـابـكـم مــن يـداويــه
جـــــرح الــمـــودة جــايـرات طــعـونـه
ويــن الطبـيـب الـلـي يعـرفـه ويبـريـه
يــالــيــت طــــــراد المــهـا يــذكرونـه
ويـاسـعــود قـواد الــجـوازي يـحـالـيـه
عـسـرًعـلــى طــلابـــه اللــي يــبـونه
يعطـي البـيـاح وشــرد الصـيـد تتلـيـه
عــلــيــه قــلــبــي كــاثرات شــطـونه
ويلـوج وسـط الصـدر مــن حر كـاويـه
قلب الـخـطـا يـاسـعـود يـعـظـم كـونـه
يكفيـه مـن جـور الهـوى ربـع مافيـه
الـزيـن لـوتـبـعـد عـلـيـنـا ضــعـونـه
يـكـبـر غـــلاه وكـن عـيـنـي تـراعـيـه
عليــــه قلــبي يابســات غــصونــه
لادالــه قلــبي ولانــي بناسيــه
ياجب علي اني مـن الشـك اصونـه
وبالهرج عند الناس ياسعود ماطريه
ادري عـليـه مـن العـدا يـشـمـتونـه
واخـاف مـن هـــرج يـضــره ويـوذيـه
لاواهـــنــي اقـــرابــه اللـي يـجونه
ونـــا الـــى جـيـتــه عــدوي حـواليه
عـلــيــه روحـــي بـالـفـواد مـغـبوــه
وفاتـن ثـلاث سنيـن والــروح ترجـيـه
يـاســعــود عــنــي لابــتــه يـبـعـدونـه
نـــاس تـحـلـف بــه ونــاس تـناحـيـه
البـغـض وســـط قلـوبـهـم يضـمـرونـه
وفـي مقـرن الحجـان تظهـر مواريـه
ويـوقـفــون الـســلــم دونــي ودونــه
وعـنــدك خـبــر قـلــب تولـع بـغـالـيـه
اخــاف مـــن حـبــل الـرجــا يقطـعـونـه
واشرب عـذاف السـم كـدره وصافيـه
صبـرت لـيـن الصـبـر فـاتـت حتـونـه
والـيـوم كـظـم الصـبـر مـانـي بـقـاويـه
عــزالله ان الـصـبـر غـبــن ومـهـونـه
وان كــان مـمـدوح الـعـواقـب لـراعـيـه
يـاسـعود فـعـل الـخـيـر مـــا تفعـلونـه
وتفزع لمـن ضاعـت حياتـه وتنجيــــه
ياسـعـود مـــدو لــي حـبـال المـعـونـه
تــرى رفـيـقـك جـايــر الـحـب طـاويــه
انــت الــذي راجـيـك تـقـضـي ديـونــه
والليـل الاسـود مــا تعـوقـك ضـواريـه